ۋولبا دەپ اتالاتىن ياكۋتيالىق اۋىلدىڭ ميحايل بوپپوسوۆ ەسىمدى تۇرعىنى اۋىلداستارىن تاڭ قالدىرۋدان جالىعار ەمەس دەپ حابارلايدى vesti.ru. جاڭا جىل كۇنى ول شىعىس كۇنتىزبەسىنە ساي 2017 جىلدىڭ سيمۆولى اتەشتىڭ ءمۇسىنىن ەرەكشە بيوماتەريال ياعني تەزەكتەن جاساپ تۇرعىزادى.

اتەشتىڭ بيىكتىگى 3،5 مەتر، ال ۇزىندىعى 4،2 مەتر. ياكۋتيانىڭ ايازىنىڭ ارقاسىندا ءمۇسىن ءوز ورنىندا بەرىك تۇر. وعان ءتىپتى ەرەسەك ادام شىقسا دا قۇلاپ قالماق تۇگىلى قىڭق ەتپەيدى.  جەرگىلىكتى ب ا ق  sakhalife.ru-دىڭ ايتۋىنشا، ميحايل بوپپوسوۆ مۇنداي شىعارماشىلىقپەن اينالىسىپ جاتقانىنا بىرنەشە جىل بولىپتى. اتەشتى دە ول اۋىلداستارىنىڭ ءوتىنىشى بويى تۇرعىزىپتى. اتەش جاساپ جاتقان كەزدە شەبەردىڭ اياعى سىنىپ قالعان كەزدە اۋىلداستارى ميحايلدىڭ تىلەۋىن تىلەپتى. جۇمىستى بىتىرە الماي جاتقان وعان كومەككە اعالارى كەلەدى. سولاردىڭ ارقاسىندا اتەشتىڭ ءمۇسىنى ۋادە بويىنشا جەلتوقساننىڭ 31ء-ى كۇنى بوي كوتەرگەن. بۇعان دەيىن ميحايل 2 مەترلىك كوبرا جىلانىن، كوسەم جەگىلگەن اتتاردى، ايداھاردى، ءبىر قورا ەشكى جانە ۇستىندە مايمىلدار وتىرعان پالمالاردى تەزەكتەن جاساپ شىعارعان.  

ميحايل بوپپوسوۆتىڭ عالامتوردا جانكۇيەرلەرى دە بارشىلىق. مىسالى، الەكساندر بەلەنكيي ءوز بلوگىن ياكۋتيالىق شەبەردىڭ جۇمىستارىنا ارناعان ەكەن.