يزرايلدىك ۆاكسينا قاتەرلى ىسىكتى ەمدەۋگە ارنالعان جاڭا ءارى سەنىمدى پرەپارات، دەپ حابارلايدى newsgood.com، اقپاراتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

قازىرگى تاڭدا ۆاكسينا يەرۋساليمەدگى «حاداسسا» يزرايلدىك اۋرۋحاناسىندا سىناقتان وتكىزىلىپ جاتىر. 2017 جىلان باستاپ ۆاكسينا تەك ونكولوگيالىق اۋرۋلارعا عانا ەمەس قاتەرلى ىسىك اۋرۋىنا دا قارسى قولدانىلۋعا بەرىلمەك.

ۆاكسينا قانداعى راك اۋرۋلارىن، ناقتىراق ايتقاندا، ميەلومانىڭ كوپەتەگەن تۇرلەرىن ەمدەۋگە ارنالعان. ەگەر پرەپارات كۇتكەن ناتيجەنى اقتاسا، قاتەرلى ىسىكتىڭ 90% تۇرىنە قارسى قولدانۋعا بولادى.

قاتەرلى ىسىك اۋرۋىنا شالدىققان جاعدايدا اعزا ءوزىنىڭ مۇلدەم دۇرىس جۇمىس ىستەمەي جاتقانىن تۇسىنەدى،  الايدا يممۋندىق جۇيە ىسىكتەن قالاي قورعانۋ كەرەكتىگىن بىلمەيدى. ادەتەگىدەي ينفەكسيا نەمەسە ۆيرۋستان قورعانعان سەكىلدى جۇمىس اتقارا المايدى. سەبەبى، راكتىڭ جاسۋشالارى ادام اعزاسىنىڭ وزىندىك جاسۋشالارى بولىپ تابىلادى.

ۆاكسينانىڭ نەگىزگى قىزمەتى – تونگەن قاتەرگە بايلانىستى يممۋندىق جۇيەنىڭ جاقسى جۇمىس ىستەۋىنە كومەكتەسەدى. ادەتتەگى ۆاكسينالار يممۋندىق جۇيەنى قورعاۋ ماقساتىندا سىرتتان كەلگەن ۆيرۋستار مەن باكەترەيالارعا قارسى قولدانىلادى. تەراپيەۆتيكالىق ۆاكسينالار اۋرۋ ادامدارعا ەگىلىپ، دارى-دارمەك سەكىلدى اسەر ەتەدى.

جاڭادان شىعارىلعان ۆاكسينا قاتەرلى ىسىك جاسۋشالارىندا عانا كەزدەسەتىن MUC1 اتتى مولەكۋلالاردىڭ كوزىن جويىپ، يممۋندىق جۇيەنى قورعاۋ ماقساتىندا قولدانىلادى. قاتەرلى ىسىك اۋرۋلارىنىڭ ەڭ كوپ تارالعان تۇرلەرىنىڭ 90%-ى، سونىمەن قاتار ليمفوما، لەيكەميا جانە ميەلوما سىندى اۋرۋلاردىڭ بارلىعىندا MUC1 مولەكۋلاسى بار.

قاتەرلى ىسىك اۋرۋىنا شالدىققان ادام ادەتتەگىدەي حيمياتەراپيادان ءوتىپ نەمەسە وتا جاساتۋدى قاجەت ەتەدى، ال ەگەر ىسىكتىڭ كولەمى كىشىرەيسە، اعزا ونىمەن كۇرەسە الادى. بۇل جاعدايدا اتالمىش ۆاكسينا اۋرۋ قايتالانباس ءۇشىن قوسىمشا كۇش رەتىندە جۇرەدى.