ۆەنەسۋەلادان شىققان جاكلين سابۋريدو ەسىمدى جاس قىز اقش-تا وقىپ جۇرەدى. قىزدا ءبىر ادامعا كەرەكتى نارسەنىڭ ءبارى بولدى: ادەمى تۇر-كەلبەت، كوپتەگەن دوستار مەن كۇتۋشىلەر، اتا-اناسىمەن جاقسى قارىم-قاتىناس.

كەزەكتى رەت دوسىمەن بىرگە ساۋىق كەشكە بارعان جاكلين كوڭىل كوتەرىپ قايتۋدى ويلاعان. الايدا ءبىر تۇندە باسىنا ورناعان قاسىرەت ءومىرىن توزاققا اينالدىردى. ەسكەرتۋ: بۇل جۇيكە جۇيەسى السىزدەرگە ارنالماعان!

جاكلين دوستارىمەن بىرگە وتىرعان كولىككە 18-جاستاعى ستۋدەنت رەدجينالد ستەيسيدىڭ كولىگى سوعىلادى. كەيىن انىقتالعانداي، جىگىت ەسىن بىلمەس ماس كۇيدە رولگە يە بولا الماي قالعان.

قىزدىڭ ەكى دوسى بولماشى جاراقات الىپ، تەزدەتىپ كولىكتەن شىعىپ كەتەدى. تاعى ەكەۋى ورتەنىپ، مەرت بولادى. ال جاكليننىڭ ءوزى كولىكتە قالىپ قويىپ، 45 سەكۋند بويى ورتكە ورانىپ، دەنەسىنىڭ 60% كۇيىك شالعان.

سۇلۋ قىزدىڭ اكەسىنىڭ بيزنەسىن جالعاستىرامىن دەگەن ويى ارمانعا اينالدى. دارىگەرلەر قىزدىڭ ءومىرىن قۇتقارىپ قالۋ ءۇشىن جابىلا كومەك كورسەتەدى. ول ءۇشىن دارىگەرلەرگە 50-دەن كوپ وتا جاساۋ كەرەك بولادى.

ءورت جاكليننىڭ بەتى مەن شاشىن الىپ قويدى. قىز اقىرىنداپ كورۋ مەن ەستۋ قابىلەتىن جوعالتادى. ودان بولەك، دارىگەرلەر كۇيىپ قالعان ساۋساقتارىن دا الىپ تاستاۋعا ءماجبۇر بولعان.

اكەسى امادەو قىزىن تاعدىر تالكەگىنە جالعىز تاستاماي، قيىندىقتى بىرگە وتكەرەدى. قىزىنىڭ قاسىنان ءبىر ەلى ايىرىلماعان اكەسى وعان قولىنان كەلگەن بارلىق كومەگىن ايامادى. مۇمكىن، جاكليندى ءوز-وزىن ولتىرۋدەن اراشالاپ قالعان اكەسىنىڭ كومەگى شىعار!

كولىك سوقتىعىسىنا سەبەپ بولعان كىنالىنى سوت جازالادى. جىگىتتى ماس كۇيىندە رولگە وتىرعانى ءۇشىن جانە ادام ءولىمى بويىنشا سوت جەتى جىلعا جازالادى. وعان قوسا، ول زارداپ شەككەندەردىڭ وتباسىنا 20 مىڭ دوللار كولەمىندە تولەۋ ءتيىس.

ستۋدەنت بولعان وقيعاعا وكىنىپ، كەشىرىم سۇرادى. جاكلين ونى كەشىردى. ول وقيعادان كەيىن 15 جىل ءوتتى. جىگىت جازاسىن الىپ، تۇرمەدەن شىقتى، ءقازىر بوستاندىقتا. ال، باقىتسىز قىز قايعىلى وقيعانىڭ سالدارىمەن ءالى دە كۇرەسىپ، ءومىر ءسۇرۋىن جالعاستىرىپ جاتىر.

جوعارىدا كورسەتىلگەن سۋرەتتە قازىرگى جاكلين كورسەتىلگەن. 2004 جىلى وعان كوز الماستىرىپ بەردى. ال ءقازىر جاكلين بەتىنە ترانسپلانتاسيا جاسالعانىن كۇتىپ ءجۇر.

بۇل وتا ءتۇرى وتە سيرەك جاسالادى، ءبىراق سوڭعى جىلدارى بۇل باعىتتا ايتۋلى وزگەرىستەر بولىپ جاتىر. كىم بىلەدى، مۇمكىن، بىرنەشە جىلدان كەيىن دارىگەرلەر جاكلينعا جاڭا بەت سىيلايتىن شىعار!

بۇگىندە قىز ۋاقىتىن بوسقا وتكىزىپ جۇرگەن جوق. ول تەلەارنالاردا ءسوز سويلەپ، ماس كۇيىندە كولىك ايداۋدىڭ ارتى نەگە اپارىپ سوقتىرارىن ادامدارعا كورسەتىپ، ناسيحاتتاپ ءجۇر.

مۇمكىن ونىڭ ءسوزى ارقىلى كوپتەگەن جۇرگىزۋشىلەر ارتىق ۇرتتاپ قويسا دا، رولگە وتىرۋدان باس تارتقان شىعار. جاكليننىڭ تاعدىرى – مۇنداي قاتەلىكتەردىڭ ورىن الۋىنا جول بەرمەۋ كەرەكتىگىنىڭ دالەلى.