قازاقستاننىڭ جەمقورلىققا قارسى ءىس-قيمىل ۇلتتىق بيۋروسىنىڭ الماتى وبلىستىق دەپارتامەنتى ق ر قارجى مينيسترلىگى مەملەكەتتىك كىرىستەر كوميتەتى وندىرىستىك ەمەس تولەمدەر باسقارماسىنىڭ باس ساراپشىسى ر. جۇمابايەۆتى ۇستادى، دەپ حابارلايدى قازاقپارات.
«ر. جۇمابايەۆتىڭ قاپشاعاي قالاسى اۋماعىندا ورنالاسقان ويىنحانا وكىلدەرىنەن ويىن مەكەمەلەرىنىڭ كاسىپكەرلىك قىزمەتىنە زاڭسىز قامقورلىق جاساپ، سالىقتىق تەكسەرۋلەر جۇرگىزبەۋ ءۇشىن جۇيەلى تۇردە پارا العاندىعى انىقتالدى. ماسەلەن، ر.جۇمابايەۆ دەلدال ءوزىنىڭ ۇلى د.ۋدانوۆ ارقىلى قاپشاعاي قالاسىنداعى «ىنجۋكZكازينو «حو» وكىلىنەن 5 مىڭ اقش دوللارى سوماسىندا كەزەكتى پارا الۋ بارىسىندا ۇستالدى»، - دەلىنگەن قازاقستاننىڭ ۇلتتىق جەمقورلىققا قارسى ءىس-قيمىل بيۋروسى تاراتقان حابارلامادا.
قازىرگى ۋاقىتتا ر. جۇمابايەۆ پەن د.ۋدانوۆ ق ر قىجك 128 بابىنا سايكەس ىلە اۋداندىق ءىىب ۋاقىتشا وقشاۋلاعىشىنا قامالدى. سوتقا دەيىنگى تەرگەۋ امالدارى جۇرگىزىلۋدە.
