پولشانىڭ بۇرىنعى پرەزيدەنتىنىڭ ۇلى لەحا ۆالەنسى پشەمىسلاۆتى گدانسكىدەگى پاتەرىندە ءولى كۇيىندە تابىلدى، دەپ حابارلايدى RMF.
43 جاستاعى اكەسىن پاتەردە ۇلى كورىپ، «جەدەل جاردەم» شاقىرتقان. الدىن-الا مالىمەت بويىنشا، ءمايىتتىڭ دەنەسىندە جاراقات ىزدەرى تابىلماعان، ساراپشىلار ءۇشىنشى ادامنىڭ قاتىسى بولۋى مۇمكىن دەگەن بولجامدى جوققا شىعارىپ وتىر.
پولشانىڭ بۇرىنعى پرەزيدەنتى لەحا ۆالەنسا مەن ونىڭ جۇبايى دانۋتىدىڭ سەگىز بالاسى بار – ءتورت ۇل، ءتورت قىز.
بۇعان دەيىن پشەمىسلاۆ ۆالەنسا ماس كۇيىندە كولىك جۇرگىزگەنى ءۇشىن بىرنەشە رەت كولىك اپاتىنىڭ سەبەپكەرى بولعان. 1995 جىلى ونى ءبىر جىلعا سوتتاپ، توعىز ايعا شارتتى ۇكىم شىعارادى، ال 2003 جىلى تاعى دا ءبىر جىلعا شارتتى جازاعا تارتىلادى.
