شىمكەنت قالاسىنىڭ ورتالىعىندا 9 قاڭتاردا بولعان اتىستىڭ سالدارىنان ەر ادام قازاق تاپتى، دەپ حابارلايدى «وتىرار»، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

«كامشات» كافەسىندەگى ۇرىس-كەرىس توبەلەسكە ۇلاسىپ، اقىر اياعى ۇلكەن قايعىمەن ءبىتتى. كۋاگەرلەردىڭ ايتۋىنشا، كافەدە بىرنەشە ەر ادامدار وتىرعان، ءبىر كەزدە ءوزارا ۇرىس باستالىپ كەتكەن، ول توبەلەسكە ۇلاسىپ، اقىر اياعىندا جىگىتتەردىڭ بىرەۋى وق اتقان.

كافەدە بولعان باسقا ادامدار بەس اتىلعان وقتىڭ داۋىسىن ەستىگەن، ال تەرگەۋ جۇمىسى بارىسىندا وقيعا ورىن العان جەردەن جەتى وقتىڭ قالدىعى تابىلعان. پوليسيا قىزمەتكەرلەرى مەن جەدەل جاردەمدى كافەدە وتىرعان ادامدار شاقىرتقان.

الايدا، اتىس بولعان جەرگە پوليسەيلەر ك ەلگەندە زارداپ شەككەن ادامدار بولماعان. وق ءتيىپ قازا بولعان ەر ادامنىڭ ءمايىتىن تاۋكە حان مەن قازىبەك بي كوشەلەرىنىڭ قيىلىسىنان تاۋىپ العان.

دارىگەرلەر باسشىسى: «9 قاڭتاردا تاڭعى 5:20 ۋاقىت شاماسىندا جەدەل جاردەم ديسپەچەرىنە اتىس بولىپ جاتىر دەگەن حابار كەلىپ تۇسكەن. وقيعا ورنىنا كەلگەننەن سوڭ وڭ جاق كەۋدە تۇسىنا وق ءتيىپ وپات بولعان ەر ادامنىڭ ءمايىتىن تاۋىپ الدىق. ەر ادام ءبىز كەلگەنشە  جان ءتاسىلىم ەتكەن»، - دەپ مالىمدەدى.

قايتىس بولعان ادامنىڭ اتى باۋىرجان، ءوزى 1986 جىلعى ەكەنى انىقتالدى. شىمكەن قالاسىنداعى «سايرام» اۋدانىنىڭ تۇرعىنى ەكەن.