10 قاڭتار كۇنى چيكاگودا اقش-تىڭ 44ء-شى پرەزيدەنتى باراك وباما «ماككورميك-پلەيس» كونگرەسس-ورتالىعىندا ءوزىنىڭ قوشتاسۋ ءسوزىن ايتتى. قوشتاسۋ ءسوزىن امەريكالىق پرەزيدەنتتەر دجوردج ۆاشينگتوننىڭ كەزىنەن بەرى ايتىپ كەلەدى.
ءوز جۇمىسىن قورىتىندىلاپ، ەلدىڭ بولاشاعىن بولجاپ، كوزقاراسىمەن بولىسەدى. داستۇردەن اتتاماي، وباما امەريكالىقتاردى بولاشاققا سەنىمدەرىن جوعالتپاۋعا شاقىردى جانە وسى ۋاقىتقا دەيىن جەتكەن جەتىستىكتەردى ايتىپ بەردى.
باراك وباما اق ءۇيدى 20 قاڭتار كۇنى بوساتادى. وسى كۇنى سايلانعان پرەزيدەنت دونالد ترامپتىڭ ۇلىقتاۋ ءراسىمى وتەدى.
باراك وبامانىڭ قوشتاسۋ سوزىندە بىلاي دەپتى:
«ونداعان كۇندەردىڭ ىشىندە الەم ەركىن سايلانعان پرەزيدەنتتىڭ باسقا پرەزيدەنتكە بيلىكتى تابىستايتىنىنا كۋا بولادى – بۇل دا ءبىزدىڭ دەموكراتيامىزدىڭ ۆيزيت كارتوچكاسى».
«مەنىڭ اكىمشىلىگىم شۋ شىعارماي، بارىنشا تىنىش بيلىكتى وتكىزەدى. ىنتىماقتاستىق پەن بىتىمگەرلىك بويىنشا ترامپ الدىنداعى مىندەتىمدى ورىندايمىن دەپ ويلايمىن».
«ءبىزدىڭ ءومىر ءسۇرۋ سالتىمىزدىڭ قاۋىپسىزدىگى اسكەرىمىزدەن دە كوپ نارسەنى تالاپ ەتەدى».
«ەگەر زاڭعا ەركىندىك پەن قۇرمەت ازاياتىن بولسا، ىشكى سوعىس پەن ۇلت اراسىنداعى سوعىس كۇشەيەدى، ال سوڭىندا ءبىزدىڭ بوستاندىعىمىزعا ءقاۋىپ تونەدى».
«ورتا تاپتىڭ ەسەبىنەن ازداعان ادامدار وركەندەپ جاتقاندا، ەكونوميكانىڭ جۇمىسى جاقسى بولمايدى».
«ءبىز الەمدەگى ەڭ باي، ىقپالدى جانە سىيلى ەل بولىپ قالا بەرەمىز».
«ميشەل ەكەۋمىز ءۇشىن ءبارى باستالعان ورىن چيكاگو بولىپ قالا بەرەدى. بۇل – امەريكا حالقىنىڭ كەڭ پەيىلدىلىگى مەن كۇش-قۋاتىن تانىتقان قالا».
«دايش جازىقسىز جانداردى ولتىرۋگە تىرىسادى، ءبىراق قىزعىشتاي قورعاپ جۇرگەن كونستيتۋسيامىز مەن قاعيدالارىمىزدى ءبىز ءوزىمىز ولارعا بەرمەيىنشە امەريكانى جەڭە المايدى».
«ءبىز ون مىڭداعان تەرروريستەردىڭ كوزىن جويدىق، ونىڭ ىشىندە ۋساما بەن لادەن دە بار».
«ەگەر ءبىز ونى بولمىس رەتىندە عانا قاراساق، دەموكراتيامىزعا ءقاۋىپ تونەتىن بولادى».
«ەگەر مەن كۋبيندىق حالىقپەن جاڭا تاراۋدى اشامىز، بىردە-بىر اتىسسىز يادورلىق قارۋ بويىنشا يران باعدارلاماسىن دوعاراتىن بولامىز جانە 11 قىركۇيەكتە بولعان شابۋىلدىڭ دەم بەرۋشىسىنىڭ كوزىن قۇرتامىز دەپ ايتاتىن بولسام، سىزدەر ءبىزدى اسپاندا قالىقتاپ ءجۇر دەپ ايتار ەدىڭىزدەر».
«ەگەر بىرەۋ ءبىز وزگەرىس جاساعان دەنساۋلىق ساقتاۋ جۇيەسىنە سونشالىقتى ادامدى از باعادا قوزعاي بىلسە، مەن ونى قوعام الدىندا قولدايمىن».
«ەگەر ونى ءبىز قالاماساق، باسەكەلەس رەسەي مەن جۇڭگو ءبىز سياقتى ىقپالدى بولا المايدى».
اۋدارعان: شايحى مارال
