بۇگىن ق ر پرەزيدەنتى نۇرسۇلتان نازاربايەۆ مەملەكەتتىك قىزمەتكەرلەر اراسىندا وزگەرتۋلەر ەنگىزدى دەپ حابارلايدى akorda.kz. مەملەكەت باسشىسىنىڭ جارلىعىمەن مارات مۇحانبەتقازى ۇلى ءتاجين قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى.
ول بۇعان دەيىن قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى بولعانىن ەسكە سالامىز. ال قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى قىزمەتىندە بولعان باعلان اساۋباي ۇلى مايلىبايەۆ پرەزيدەنت جارلىعىمەن قىزمەتىنەن بوساتىلدى.
