قازاقستانعا كوشۋ جايلى بۇركىتشى قىز ايشولپاننىڭ اكەسى ر.نۇرعايوۆ موڭعوليا تەلە ارنالارىنىڭ بىرىندە سۇحبات بەردى، دەپ حابارلايدى ARD پورتالى، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى

ول ءوزى اكەسى سەكىلدى مالشى ەكەن. قولىندا 800-دەي مال باسى بار. ونىڭ ىشىندە 20 تۇيە، 60 جىلقى، قالعاندارى قوي مەن ەشكىلەر. ءقازىر ول وتباسىمەن بىرگە بايان-ولگيي ايماعىنان 40 شاقىرىم قاشىقتىقتا ورنالاسقان سامباگاروۆ تاۋىنىڭ ەتەگىندە قىستاپ ءجۇر ەكەن.

قىزى مەن اكەسىنە قازاقستانعا كوشىپ، وسى ەلدىڭ ازاماتتاعىن الۋعا ۇسىنىس جاساعاندىعىن ايتىپ بەردى.

«ءبىز قازاق بولساق تا موڭعوليادا تۋىلدىق جانە بىزدە موڭعولداردىڭ قانى بار. مەنىڭ اتا-بابام دا وسى جەردە تۋىلىپ، وسىندا ءومىر سۇرگەن. سول سەبەپتى موڭعوليادا تۋىلىپ، وسىندا وسكەنىم ءۇشىن ماقتانامىن. اللا بىزگە وسىنداي كەرەمەت تاعدىر سىيلادى، ونى ەشقاشان دا ۇمىتپايمىز. بىزگە قازاقستان ازاماتتىعىن الىپ، سول ەلگە كوشۋ جايلى ۇسىنىس ءبىلدىردى، ءبىراق ول ءبىزدى قىزىقتىرمايدى. سەبەبى ءبىزدىڭ وتانىمىز – موڭعوليا»، - دەپ كەسىپ ايتتى ايشولپاننىڭ اكەسى نۇرعايوۆ.