ادامداردىڭ كوبى تەز دايىن بولاتىن كەسپەنى تەك تاعام رەتىندە قابىلدايدى. الايدا سينگاپۋرلىق سۋرەتشى ونى ونەر تۋىندىسىنا اينالدىردى.
«مەنىڭ باياۋ جاسالعان جۇمىسىم، زاماناۋي الەمنىڭ كوپ كۇتتىرتپەيتىن ومىرلىك ءلاززاتقا دەگەن قالاۋىن سيپاتتايدى» دەيدى سينگاپۋرلىق سينتيا سۋۆيتو.
سينتيا كەسپەدەن توقىما توقيتىن سۋرەتشى. ول سينگاپۋردىڭ ونەر گالەرەياسىنا ارناپ توقيدى. تاعامنان جاڭا ونەر تۋىندىسىن جاساۋ پروسەسى كەسپەنى ساتىپ الۋدان باستالادى. ودان كەيىن سينتيا ونى سۋدا قايناتادى. سۋىعاننان كەيىن ونىمەن جۇمىس ىستەۋگە بولادى. سينتيا كەسپەمەن وتە باياۋ جۇمىس ىستەيدى. سەبەبى ول وتە نازىك ماتەريال.
سينتيا سۋۆيتو 20 سانتيمەتر ورنەكتى توقۋعا كۇنىنە 3 ساعاتىن جۇمسايدى.
"ادامداردىڭ كوبى ومىردە جىلدامدىقتى جاقسى كورەدى. بۇل كەسپەنىڭ دايىندالۋىنا عانا ەمەس، ومىرلەرىنە دە قاتىستى" دەيدى سۋرەتشى.
سينتيانىڭ ءوزى كەسپە جەۋدەن باس تارتقان ەمەس.
"كوبى مەنىڭ كەسپەگە دەگەن ەرەكشە قىزىعۋشىلىعىم بار ەكەنىن ايتادى. ءبىراق مەن ونى باسقا ادامداردان ارتىق جاقسى كورمەيمىن" دەيدى سينتيا.
