سيرەك كەزدەسەتىن جانۋار قىتايدىڭ سولتۇستىك-باتىسىنداعى سينسزيان پروۆينسياسىندا ينفراقىزىل كامەراعا ءتۇسىرىپ العان. ول جىلقى مەن بۇعى ارالاس جانۋارعا ۇقسايدى. بۇل بەيمالىم جانۋار قىتايدىڭ قازاقستانمەن شەكارالاس اۋماعىنداعى ەبي كولىندەگى تابيعي قورىقتا تۇسىرىلگەن. بۇل تۋرالى "جەنمين جيباو" حابارلايدى.
جانۋار "ەبي كولىگىنىڭ قىزىل بۇعىسى" دەپ اتالىپ كەتكەن ەكەن. ول تۋرالى از زەرتتەلگەندىكتەن جانە ول وتە سيرەك كەزدەسەتىن جانۋار ءتۇرى بولعاندىقتان "ەبي كولىگىنىڭ قىزىل بۇعىسى" بەيمالىم جانۋار بولىپ ەسەپتەلەدى. ونى سوڭعى رەت 2004 جىلى كورگەن ەكەن. سول كەزدەن بەرى بۇل جانۋاردى ەشكىم دە جاقىننان كورمەگەن.
ال بىلتىر عالىمدار جانۋارلاردى كامەراعا ءتۇسىرۋ ءۇشىن ەبي كولىنىڭ اۋماعىندا بەس جاسىرىن كامەرا ورناتقان. وسىلايشا، عالىمداردا جانۋاردىڭ سيرەك ءتۇرىن سۋرەتكە ءتۇسىرىپ الۋعا مۇمكىندىك تۋعان.
