سيريالىق بوسقىندى شالىپ قۇلاتقان ۆەنگر ءجۋرناليسى پەترا لاسلو سوتتالدى، - دەپ حابارلايدى Caravan.kz Fox New سايتىنا سىلتەمە جاساپ. وقيعانىڭ ۆيدەوسى جەلىدە تاراپ كەتىپ، قوعام ءتىلشىنىڭ ارەكەتىن سوككەن ەدى.
وقيعا 2015 جىلدىڭ كۇزىندە سەربيانىڭ شەكاراسىندا بولعان. بىرنەشە وپەراتور جۇگىرىپ ءوتىپ جاتقان بوسقىنداردى ءتۇسىرىپ جاتقان. وسى ساتتە پەترا لاسلونىڭ قولىندا بالاسى بار ەر ادامدى قۇلاتقانى ۆيدەوعا ءتۇسىپ قالعان. جەلى قولدانۋشىلارى ءجۋرناليستىڭ بۇل ارەكەت ارقىلى ۆيدەونى قىزىقتى ەتكىسى كەلگەنىن اتاپ وتكەن بولاتىن. الايدا ول جۇمىسىنان شىعارىلىپ، ءىسى سوتقا جولدانعان ەدى.
سوت وتىرىسىندا لاسلونىڭ ادۆوكاتتارى ايەلدىڭ بۇل ءىس ارقىلى ءوزىن قورعاعىسى كەلگەنىن ايتىپ، اقتاپ جاتتى. ال ءجۋرناليستىڭ ءوزى جاپپاي جۇگىرىپ كەلە جاتقان بوسقىنداردان شوشىپ قالعانىن ايتقان. ول شارتتى تۇردە ءۇش جىلعا باس بوستاندىعىنان ايىرىلدى.
