ۇقك وكىلدەرى اقتوبەدە مۇناي جىمقىردى دەگەن كۇدىكپەن ۇستالعان "اعايىندى تورتەۋ" قىلمىستىق توبىنىڭ ليدەرى دەلىنگەن ەركىن ءىزباساردىڭ اۋرۋحاناعا نە سەبەپتى تۇسكەنىن ايتىپ بەردى، - دەپ حابارلايدى Tengrinews.kz ءتىلشىسى.
2016 جىلدىڭ 13 جەلتوقسانىندا ەركىن ءىزباسارعا دەنە جاراقاتىنىڭ سالىنۋ جانە بيلىك وكىلدەرىنىڭ زاڭدى تالاپتارىنا مويىنسۇنباۋ دەرەكتەرى بويىنشا سوتالدى تەرگەۋدىڭ ماتەريالدارى تىركەلدى. تەرگەۋ كەزىندە ەرجان ءىزباساردىڭ ءوز بەتىنە ءوزى جۇدىرىقپەن سوققى جاساپ، تەمىر توسەكتىڭ بۇرىشىنا باسىمەن ۇرىنعانى انىقتالدى، بۇل ۆيدەوجازبا ارقىلى دالەلدەنىپ وتىر"، - دەپ حابارلادى ۇقك وكىلدەرى رەسمي ساۋالعا بەرگەن جاۋابىندا.
الايدا ەركىن ءىزباساردىڭ تەرگەۋ يزولياتورىنا قايتارىلۋ-قايتارىلماۋى بەلگىسىز قالىپ وتىر. بۇل كوميسسيالىق سوت-مەديسينالىق ساراپتامانىڭ قورىتىندىسىندا انىقتالادى.
وتكەن جىلدىڭ 30 جەلتوقسانىندا ءىزباساردىڭ ادۆوكاتى سەرىك سارسەنوۆ قورعاۋىنداعى ازاماتتىڭ تەرگەۋ يزولياتورىنان اۋرۋحاناعا اۋىستىرىلعانىن حابارلاعان.
