ماڭعىستاۋ وبلىسىندا ەگىزدەردى كۇتكەن تۇياقبايەۆتار وتباسىندا ۇشەم دۇنيەگە كەلدى دەپ جازادى lada.kz. ماڭعىستاۋ وبلىسىندا دا، الماتى قالاسىندا دا ۋلترادىبىستىق تەكسەرۋ كەزىندە ءۇشىنشى بالا كورىنبەگەن. اقمارال جالاجانوۆا اي-كۇنى تولىپ بوسانعاندا ءۇش بالانى دۇنيەگە اكەلگەن. بۇل بالالاردىڭ وتباسى ءۇشىن عانا ەمەس، اكۋشەرلەر ءۇشىن دە كۇتپەگەن جاعىمدى توسىن سىي بولدى.

«اقمارال جالاجانوۆا 28 جەلتوقساندا شەتپەدەن جۇكتىلىكتىڭ 31ء-شى اپتاسىندا كەلىپ ءتۇستى. 12 قاڭتاردا اقمارالدىڭ جاعدايى ناشارلاپ، قان قىسىمى 180-گە دەيىن كوتەرىلدى. 13ء-شى كۇنى ونى رەانيماسياعا اۋىستىردىق. 13 قاڭتاردا دارىگەرلەر كەڭەسى اقمارالعا وتا جاسايمىز دەپ شەشتى. سەبەبى جۇكتىلىك 34ء-شى اپتاعا كەتتى. جوعارى دارەجەدەگى پرەەكلامپسيا جانە ىشتەگى نارەستە دۇرىس جاتپاي قالدى. وسىنداي دياگنوزبەن وتا جاسالدى. وتا كەزىندە ەكىنشى نارەستەنى الىپ شىققان سوڭ، ءۇشىنشىسىنىڭ بارى انىقتالدى، وسىلايشا ونى دا شىعارىپ الدىق»  دەدى وعان وپەراسيا جاساعان دارىگەر، پەرينيتارلىق ورتالىقتىڭ باس دارىگەرىنىڭ ورىنباسارى جاپىراق ەپەنوۆا.

اقمارال جالاجانوۆانىڭ ءوزى 33 جاسىندا كوپ بالالى انا اتاناتىنىن بىلمەدى. ولار قىز تۋرالى ارماندادى. تۇياقبايەۆتار وتباسىندا بۇعان دەيىن 4 ۇل بالا بولعان. ەندى جانسەرىك تۇياقبايەۆ پەن اقمارال جالاجانوۆا 7 بالانىڭ اتا-اناسى.

ءبىرىنشى كوپتەن كۇتكەن قىز دۇنيەگە كەلدى. اتا-اناسى وعان مەدينا ەسىمىن بەردى. ەكىنشى نۇريسلام اتتى جىگىت دۇنيە ەسىگىن اشتى جانە بارلىعى ءۇشىن جاعىمدى توسىن سىي جاساعان ءۇشىنشى قىز كەلدى. ونىڭ ەسىمىن اتا-اناسى ادەمى  دەپ قويدى.

«مەن ەگىزدى دۇنيەگە الىپ كەلەمىن دەپ ويلادىم. وپەراسيا كەزىندە ەسىمدى ءبىلىپ جاتتىم. مەندە ەكى بالا ەمەس، ۇشەم دۇنيەگە كەلگەندە باقىتتان باسىم اينالدى. سوندا مەن «جارايسىڭ» دەدىم. «دارىگەرلەر كىم جارادى؟» دەپ سۇراعاندا، «مەن» دەپ جاۋاپ بەرىپ ەدىم، دارىگەرلەر ماعان قول شاپالاقتادى» دەيدى اقمارال جالاجانوۆا.