ەرتە قارتايعان جىگىت نۇرجان وركەشبايەۆتىڭ تاعدىرى قالىڭ كوپشىلىكتى كوپتەن بەرى تولعاندىرادى. 2015 جىلدىڭ كۇزىندە ءوزىنىڭ ۇيلەنۋ تويىن دۇركىرەتىپ جاساعان نۇرجاننىڭ ايداي سۇلۋ كەلىنشەگى كىم؟

ەرتە قارتايعان نۇرجان وركەشبايەۆ 4 جاسىنان باستاپ سيرەك كەزدەسەتىن «پروگەريا» اۋرۋىنا شالدىققان، دەپ حابارلايدى nur.kz پورتالى.

ونىڭ وتە سيرەك كەزدەسەتىن دەرتكە شالدىققانىن بىلگەن وتاندىق جانە شەتەل دارىگەرلەر وعان قىزىعۋشىلىق تانىتا باستادى

نۇرجان وسىدان بىرەر جىل بۇرىن گەرمانياعا بارىپ، پلاستيكالىق وتا جاساتىپ كەلگەن.

ال 2015 جىلدىڭ كۇزىندە نۇرجان ءوزىنىڭ ۇيلەنەتىنىن مالىمدەپ، جالپاق دۇنيەگە جار سالدى.

ەرتە قارتايعان جىگىتكە تۇرمىسقا شىققان ارۋدىڭ كىم ەكەنىن بىلگىسى كەلگەندەر كوپ بولدى. كوپ ۇزاماي جەلىدە ولاردىڭ تويىندا تۇسكەن سۋرەتتەرى جاريا ەتىلدى.

ول جان جارى رەتىندە اسەمگۇل ەسىمدى بويجەتكەندى تاڭداعان. ونىڭ قالىڭدىعىنىڭ سۇلۋلىعىنا ەلدەر تاڭعالىپ، تاڭداي قاقتى.

نۇرجاننىڭ ءوزى كەلىنشەگىن ب ا ق وكىلدەرىنە كورسەتكىسى كەلمەگەن. دەگەنمەن، ونىڭ ايداي سۇلۋ جارى ەل نازارىنان تىس قالعان جوق.

نۇرجاننىڭ تويى تۋرالى ەلىمىزدىڭ جانە رەسەيلىك ب ا ق جارىسا جازدى. ونىڭ تىلەۋىن تىلەگەن قاراشا حالىق جاستارعا باقىت تىلەپ، اق باتاسىن جاۋدىرعان بولاتىن.

بۇعان دەيىن رەسەي تەلەجۇرگىزۋشىسى اندرەي مالاحوۆ ونىڭ تويىنا باراتىنىن ايتىپ، نۇرجانعا ۋادە بەرگەن ەكەن. الايدا ۇيلەنۋ تويىنا ات باسىن بۇرماعان مالاحوۆ وعان ارنايى سىيىن بەرىپ جىبەرىپتى.

بۇگىندە نۇرجان وركەشبايەۆ تويلارعا شىعىپ، ءان ايتادى.

ونىڭ ايرىقشا داۋىسىن تىڭدارماندارى ۇناتىپ، نۇرجانعا انشىلىككە بەت بۇرۋدى دا ۇسىنىپ جاتادى ەكەن.

ونىڭ جەلىدەگى پاراقشاسىنان ءانشىنىڭ كەلىنشەگىمەن بىرگە تۇسكەن سۋرەتتەرىن تاپپايسىڭ. ءبىراق، ەسەسىنە ول تويدا، دوستارىمەن، ءتۇسىرىلىم كەزىندە تۇسكەن سۋرەتتەرىن كوپتەپ جاريالاپ وتىرادى.