اقش-تا ورنالاسقان ايداحو ۋنيۆەرسيتەتىنىڭ پلانەتولوگى بارنس دجەيسوننىڭ ايتۋىنشا، جەردىڭ سەرىگى 65 ميلليارد جىلدان سوڭ ءبىزدىڭ عالامشارمەن سوقتىعىسادى ەكەن. الايدا، ەگەر سول ۋاقىتقا دەيىن جەر مەن ايدىڭ بايلانىسى كۇن جۇيەسىنە جۇتىلىپ كەتپەسە عانا بۇل مۇمكىن بولىپ وتىر، دەپ حابارلايدى lenta.ru، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

«جەر مەن ونىڭ سەرىگىنىڭ سوقتىعىسۋىنا جەر پلانەتاسىنىڭ ءوز وسىمەن اينالۋى باسەڭدەي ءتۇسۋ سەبەپ بولادى»، - دەيدىبريۋسەم دورميني اتتى ەكسپەرت. ەكى اسپان دەنەسىنىڭ ءوزارا اينالدىرۋ وربيتاسىنا رەزونانس ەنگەن جاعدايدا بۇل پروسەسس 50 ميلليارد جىلدان كەيىن دە بولۋى مۇمكىن ەكەن.

ول ۋاقىتتا ايدىڭ ءوز وسىمەن اينالۋ ۋاقىتى 47 تاۋلىككە دەيىن بارۋى مۇمكىن. ال قازىرگى تاڭدا جەر سەرىگىنىڭ ءوز وسىمەن اينالۋ ۋاقىتى 27 تاۋلىكتى قۇرايدى ەكەن. سونىمەن قاتار، ايدىڭ تەك ءبىر جاق بەتى عانا ءبىزدىڭ عالامشارىمىزعا كورىنەدى.

اي ءبىزدىڭ عالامشارىمىزدان جىلىنا 4 سانتيمەترگە قاشىقتاپ بارا جاتقانى ءمالىم بولدى. شامامەن، 6 ميلليارد جىلدان كەيىن كۇن قىزىل ءتۇستى الىپقا اينالىپ، مەركۋريي مەن ۆەنەرا عالامشارلارىن وزىنە جۇتىپ الادى ەكەن. كوپتەگەن ەكسپەرتتەردىڭ ايتۋىنشا، ول ۋاقىتتا ءبىزدىڭ عالامشارىمىز كۇن ساۋلەسىنىڭ شامادان تىس تۇسۋىنەن جويىلادى ەكەن.

اۋدارعان: نازەركە لابيحان