گولوۆكيندى تىرىدەي قۋىراتىن جوسپارىمىز بار - كريس يۋبەنك

/uploads/thumbnail/20170709204232600_small.jpg

وسىعان دەيىن ۇلىبريتانيالىق بوكسشىنىڭ اكەسى GGG-مەن كەلىسسوزدەر جۇرگىزۋگە دايىن ەكەنىن مالىمدەگەن. ايتۋىنشا، ولار بۇل جەكپە-جەكتى 2017 جىلى ۇيىمداستىرعىسى كەلەدى.
IBO تۇجىرىمى بويىنشا ەكىنشى ورتا سالماقتا الەم چەمپيونى، ۇلىبريتانيالىق بوكسشى كريس يۋبەنكتىڭ (24-1، 19 كو) اكەسى باستى ماقسات دەپ ورتا سالماقتا WBA (Super)، IBO، WBC جانە IBF تۇجىرىمدارى بويىنشا الەم چەمپيونى گەنناديي گولوۆكينمەن جەكپە-جەك وتكىزۋدى اتادى، - دەپ حابارلايدى Vesti.kz قازاق ءبولىمى.

"ەندى بارلىعى بىزگە وزدەرى كەلۋى كەرەك. ءبىزدىڭ ميلليونداعان كورەرمەنى بار ITV دەگەن كۇشىمىز بار، ال ۇلىم ۇلىبريتانيانىڭ ەڭ اسەرلى بوكسشىسى. گولوۆكيندى تىرىدەي قۋىراتىن جوسپارىمىز بار. ءبىرىنشى كەزەكتە گولوۆكينمەن جۇدىرىقتاسۋدى كوزدەپ وتىرمىز"، - دەپ كەلتىرەدى ونىڭ ءسوزىن Boxingscene.com.

ايتا كەتەيىك، يۋبەنك گولوۆكينمەن وتكەن جىلى-اق كەزدەسۋ وتكىزە الار ەدى، كەلىسسوزدەر دە جۇرگىزىلگەن. الايدا ۇلىبريتانيالىق بوكسشى تىم كوپ گونارار سۇراعاندىقتان، كەزدەسۋ وتپەي قالدى. سويتسەك، ۇلىبريتانيالىقتار 6 ميلليون دوللاردان باس تارتىپتى. كەيىن يۋبەنك گولوۆكينمەن جەكپە-جەك وتكىزە الماعانى ءۇشىن اشۋلانعانىن مالىمدەگەن.

ەسكە سالايىق، يۋبەنك وتكەن دەمالىس كۇندەرى لوندوندا اۋستراليالىق رەنولد كۋينليندى جەڭىپ، IBO بەلبەۋىنىڭ يەگەرى اتانعان. جەكپە-جەك اياقتالعاندا ول گولوۆكيندى رينگكە شاقىرعان.

پىكىر قالدىرۋ

قاتىستى ماقالالار