قازاقستاندىقتار ەكى اپتا بويى «ەكسپو-2017» حالىقارالىق مامانداندىرىلعان كورمەسىنىڭ ۇزدىك تۇمارىنا داۋىس بەردى. داۋىس بەرۋ www.expo2017mascot.kz سايتىندا جۇرگىزىلدى. كەشە تۇندە داۋىس بەرۋ رەسمي تۇردە اياقتالدى، دەپ حابارلايدى Bnews.kz. داۋىس بەرۋدىڭ قورىتىندىسى بويىنشا، «تەنگري مەن ءبورى» تۇمارى ءبىرىنشى ورىن -3705 داۋىس جيناعان.

ۇيىمداستىرۋشىلاردىڭ ايتۋىنشا، جۇمىستاردى ىرىكتەۋ بارىسىندا باستى ەكى جاعدايعا نازار اۋدارىلدى: تۇماردىڭ «بولاشاق ەنەرگياسى» تاقىرىبىنا ساي بولۋى جانە قازاقستاننىڭ ۇلتتىق مادەنيەتىنىڭ ەرەكشەلىكتەرىن كورسەتۋ.

ەسكە سالايىق، كونكۋرس ۇستىمىزدەگى جىلى مامىر ايىندا باستالدى. وسى ۋاقىتتىڭ ىشىندە كونكۋرستىق كوميسسيانىڭ قاراۋىنا برازيليا، مەكسيكا، ۆەنەسۋەلا، پورتۋگاليا، اقش، گەرمانيا، شۆەيساريا، ۇلىبريتانيا، يسپانيا، بوسنيا مەن گەرسەگوۆينا، بەلگيا، ليتۆا، رۋمىنيا، پولشا، ۋكراينا، يزرايل، ءۇندىستان، يندونەزيا جانە باسقا ەلدەردەن 80-نەن استام جۇمىس جىبەرىلدى.

قامشى-اقپارات