25 جىلدىق ۇزىلىستەن كەيىن دۋشانبە مەن تاشكەنت اراسىندا العاش رەت جولاۋشىلار ۇشاعى ۇشتى. بۇل تۋرالى BBCء-دىڭ ورىس قىزمەتى جازدى.
تاجىك اۋەكومپانياسى "سومون ەير" تەحنيكالىق ۇشۋدىڭ بولعانىن حابارلاپ، شتاتتى ۇشۋ 20 اقپاننان باستالاتىنىن حابارلاعان. سونىمەن قاتار وزبەكستاننىڭ باسقا دا قالالارىنا رەيستەر اشۋ جوسپارلانعان.
ازىرگە دۋشانبەدەن تاشكەنتكە تەك دۇيسەنبى كۇندەرى ۇشاتىن عانا رەيس اشىلدى.
ناۋرىز ايىنىڭ سوڭىنا قاراي رەيستەر سانىن اپتاسىنا ەكى رەتكە كوبەيتۋ جوسپارلانۋدا، جولاۋشىلار بەيسەنبى كۇنى دە ۇشىپ كەلە الادى.
ايتا كەتەر بولساق، سوۆەت وداعىنان شىققان ەكى ەلدىڭ اراسىندا كۇنى بۇگىنگە دەيىن اۋە جانە اۆتوبۋستى جولاۋشىلار قاتىناسى ورناماعان. ەكى ەل اراسىنداعى اۋە تاسىمالى 1993 جىلى ساياسي شيەلەنىستەن كەيىن توقتاتىلعان. ەكى ەل ازاماتتار ءالى كۇنگە ۆيزالىق رەجيممەن بارىس كەلىس جاسايدى.
