كولىك اپاتى سولتۇستىك قازاقستان وبلىسى پەنكوۆو اۋىلىنا جاقىن ماڭدا بولدى. 

بەيسەنبى 9 اقپان كۇنى پەتروپاۆل تۇبىندە ۆاز اۆتوكولىگى مەن "كاماز" جۇك كولىگىنىڭ قاتىسۋىمەن اجالدى جول اپاتى ورىن الدى، جەڭىل كولىكتىڭ 23 جاسار جۇرگىزۋشىسى وقيعا ورنىندا قازا تاپتى دەپ حابارلايدى Sputnik قازاقستان اگەنتتىگى. جول اپاتىنىڭ جانىنان ءوتىپ بارا جاتقان اۆتوكولىكتىڭ بەينەرەگيستراتورىنا تۇسىرىلگەن جازبا الەۋمەتتىك جەلىلەردە تاراپ كەتتى.

"جەدەل تەرگەۋ توبى كەلگەننەن سوڭ چەليابينسك-نوۆوسيبيرسك اۆتوجولىنىڭ 543 شاقىرىمىندا ساعات 16:30-دا "ۆاز-21140" اۆتوكولىگىنىڭ جۇرگىزۋشىسى رولگە يە بولا الماي، قارسى بەتكە ءوتىپ كەتىپ، "كاماز-5320" جۇك كولىگىنە سوعىلعانى انىقتالدى"، — دەپ حابارلادى سولتۇستىك قازاقستان وبلىسى ىشكى ىستەر دەپارتامەنتىنىڭ باسپا ءسوز قىزمەتى اگەنتتىككە.

جول-كولىك اپاتى دەرەگى بويىنشا ق ر قك 345 بابى 3 بولىگىنە سايكەس سوت الدى تەرگەۋ ءىسى باستالدى.