قىتايدىڭ الەۋمەتتىك جەلىلەرىنىڭ بىرىندە قازاقستاندىق ءانشى ديماش قۇدايبەرگەننىڭ قىتايلىق جانكۇيەرلەرىنەن قاشىپ بارا جاتقان ۆيدەوسى جاريالاندى.
وقيعا شاڭشا اۋەجايىندا بولعانى بەلگىلى بولدى، ول ادەتتەگىدەي ءوزىنىڭ كەزەكتى تۇسىرىلىمىنە بارعان ەكەن. اۋەجايدا ديماشتىڭ كەلۋىن تاعاتسىزدانا كۇتىپ تۇرعان قىتايلىق جانكۇيەرلەرى ونى كورە سالا شۋلاپ جۇگىرە باستاعان. جۇڭگو قىزدارىنىڭ كوپتىگىنەن ساسىپ قالعان قازاقستاندىق ءانشى قاشا جونەلگەنىمەن، جانكۇيەرلەرىنەن الىسقا قاشىپ قۇتىلا المادى. كەيىننەن جىميدى دا، قىتايلىق جانكۇيەرلەرىمەن سۋرەتكە تۇسكەن.
جەلىدە تارالعان ۆيدەونى كورگەن ينتەرنەت قولدانۋشىلارى اتالمىش جايتقا قاتىستى تۇرلىشە پىكىرلەر بىلدىرۋدە:
"مىنالار قايتەر ەكەن-ەي! سوڭىنان شىراق الىپ ءتۇسىپتى عوي ءبىزدىڭ ديماشتىڭ!
باياعىدا مايكل دجەكسونعا فاناتتارى وسىلاي باس ۇرىپ، جىلاپ ەڭىرەپ جاتقانىن كورىپ ەدىم. ءبىزدىڭ ديماش ءتۇبى الەمدى اۋزىنا قاراتقان جۇلدىز بولايىن، دەپ تۇر. ءتىل كوزدەن ساقتاسىن!
ونىڭ دەنساۋلىعىنا كەسىرىمىز تيمەسىن! مادەنيەتتى بولايىق»، «فوتوعا تۇسىرگەندە، تەلەفوننىڭ جارىعىن وشىرىڭىزدەرشى، ديماشتىڭ كوزىنە اسەر ەتەدى"
