اقپاننىڭ 22 كۇنى نۇرمۇحان ءجانتورين اتىنداعى ماڭعىستاۋ وبلىستىق مۋزىكالىق دراما تەاترى نارتاي ساۋدانبەك ۇلىنىڭ "امانات" اتتى پەساسىن قويادى. اتالعان پەسسا نەگىزىنەن ءاليحان بوكەيحان مەن الاش ارىستارىنا ارناپ جازىلعان. بۇل ءاليحان بوكەيحاننىڭ 150، الاشوردا مەملەكەتىنىڭ 100 جىلدىعىنا ۇلكەن تارتۋ بولىپ وتىر.

وسى پەسسانى جازۋ بارىسىندا نارتاي باۋىرىم وتكەن جىلى ءبىز شىعارعان "الاش ايتقان اسىل ءسوز" اتتى كىتاپتان بiراز دەرەك الىپتى. ماسەلەن، الەكەڭنىڭ «عۇمىر وزگەرىلدى. ات ۇرلاعان ادامدى تىشقانداي ولتىرە سالاتىن ورىس مۇجىعىمەن اۋىلداس بولدىق» نەمەسە «ۇلتتىڭ جوعىن ۇيىقتاپ ءجۇرىپ ەمەس، وياۋ ءجۇرىپ ىزدەۋ كەرەك. قازاق بالاسى بىرىگىپ، تىزە قوسىپ ءىس قىلسا حالىقتىڭ ماقساتى سوندا ورىندالادى» دەگەن جانە ت.ب. سوزدەرى دايەك رەتىندە كەلتىرىلگەن ەكەن.

شىنى كەرەك الەكەڭە ارنالعان سپەكتاكل جازىپ، ونى ساحناعا شىعارۋ ۇلكەن جۇمىس. تiپتi، ەرلiكپەن پارا-پار دەسەم ارتىق ايتقاندىق ەمەس. سوندىقتان دا وسى ءىستىڭ باسى قاسىندا جۇرگەن نارتاي مەن گۇلسينا سىندى قازاقتىڭ قايسار ۇلى مەن قىزى جانە بارشا ماڭعىستاۋلىق تەاتر ۇجىمىنا العىسىم شەكسىز. ءار قازاق ءوز دەڭگەيiندە قولدان كەلگەنشە ۇلتتىق مۇددەنi ۇلىقتاۋعا ۇلەس قوسسا، الاش ارىستارىنىڭ اماناتىنا ادالدىق تاتىتار ەدiك. الاشتىڭ بيىلعى 100 جىلدىق مەرەيتويىندا ەلىمىزدىڭ وزگە وڭىرلەرىندەگى تەاترلار دا «اماناتتى» قويسا نۇر ۇستىنە نۇر بولار ەدى.