ۇلتتىق قاۋىپسىزدىك كوميتەتى ىشكى ىستەر ورگاندارىمەن بىرلەسە 13-24 قاڭتار ارالىعىندا الماتىدا جانە الماتى وبلىسى ماڭىنداعى اۋدانداردا ءبىرقاتار ارنايى وپەراسيا جۇرگىزدى، - دەپ حابارلايدى "قامشى" پورتالى قازاقستان رەسپۋبليكاسى ۇقك باسپا ءسوز قىزمەتىنە سىلتەمە جاساپ. 

«ۇلتتىق قاۋىپسىزدىك كوميتەتى ىشكى ىستەر ورگاندارىمەن بىرلەسە 13-24 قاڭتار ارالىعىندا الماتى قالاسى جانە الماتى وبلىسى ماڭىنداعى اۋدانداردا ءبىرقاتار ارنايى وپەراسيالار جۇرگىزدى.    

     2 راديكالدى توپ پەن دىني-ەكسترەميستىك يدەولوگيانى ۇستانۋشى 6 ادامنىڭ ىس-ارەكەتى بەيتاراپتاندىرىلدى.

تەرروريزمدى ناسيحاتتاۋ، تەرروريستىك ىس-ارەكەتكە قاتىسۋعا دايىندالۋ، ءدىني الاۋىزدىقتى قوزدىرۋ جانە قارۋدى زاڭسىز  ساقتاۋعا قاتىستى دەگەن ايىپپەن بارلىعى 15 ادام قاماۋعا الىندى. 

ۇستالعانداردىڭ تۇراتىن مەكەنجايلارىن ءتىنتۋ بارىسىندا         5 گراناتا، حالىقارالىق تەرروريستىك ۇيىمداردىڭ اتريبۋتيكاسى، ءدىني مازمۇنداعى ادەبيەت جانە اقپاراتتى ەلەكتروندى تاسىمالداۋىشتار تاركىلەندى.

تەرگەۋ ءىس-قيمىلدارى جالعاسۋدا.

كورسەتىلگەن ءىس-شارالاردى جۇزەگە اسىرۋ سونىمەن قاتار «ۋنيۆەرسيادا-2017» جارىسىن وتكىزۋ كەزىندە قاۋىپسىزدىكتى ءتيىستى دەڭگەيدە قامتاماسىز ەتۋگە  ىقپال جاسادى»، - دەلىنگەن مالىمدەمەدە.

سونداي-اق قازىرگى ۋاقىتتا تەرگەۋ ءىس-قيمىلدارىنىڭ جالعاسىپ جاتقانى حابارلانىپ وتىر.