اقپاننىڭ 11-نەن 12-ىنە قاراعان ءتۇنى 57 جاسقا قاراعان شاعىندا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ باسشىسى قوزىكورپەش جاڭبىرشين ومىردەن وزدى. بۇل تۋرالى اتالعان ۆەدومستۆونىڭ باسپا ءسوز قىزمەتى حابارلايدى.

بەرىلگەن مالىمەتكە سايكەس، قوزىكورپەش ەسىم ۇلى جۇرەك سىرقاتىنان قايتىس بولعان. ارتىندا ايەلى، ءۇش بالاسى قالدى.

قوزىكورپەش ەسىم ۇلى جاڭبىرشين 1960 جىلى 2 شىلدەدە اقتوبە وبلىسى بايعانين اۋدانىنىڭ جارقامىس اۋىلىندا تۋعان.

1982 جىلى ماسكەۋ ەكونوميكا-ستاتيستيكا ينستيتۋتىن (مەسي) «ەكونوميست-ماتەماتيك» ماماندىعى بويىنشا بىتىرگەن.

1987-1990 جىلدار ارالىعىندا - مەسي اسپيرانتى. ەكونوميكا عىلىمدارىنىڭ دوكتورى، ديسسەرتاسياسىنىڭ تاقىرىبى: «گەتەروگەندى الەۋمەتتىك-ەكونوميكالىق جۇيەلەر: ستراتەگيالىق باسقارۋ تەورياسى مەن ادىستەمەسى» (2003).

1982-1983 جىلدارى قازكسر مەملەكەتتىك جوسپارلاۋ جانىنداعى جوسپارلاۋ جانە باسقارۋ پروسەستەرىن اۆتوماتتاندىرۋ عىلىمي-زەرتتەۋ ينستيتۋتىنىڭ ينجەنەرى بولىپ جۇمىس ىستەگەن.

1983-1987 جىلدار ارالىعىندا - قازكسر مەملەكەتتىك جوسپارلاۋ مەكەمەسىنىڭ ەكونوميسى جانە اعا ەكونوميسى.

1991-1992 جىلدارى - قازاقستان رەسپۋبليكاسى مەملەكەتتىك ەكونوميكا جونىندەگى كوميتەتتىڭ باس مامانى بولىپ جۇمىس ىستەگەن.

1992-1993 جىلدار ارالىعىندا - قازاقستان رەسپۋبليكاسى پرەزيدەنتىنىڭ جانىنداعى جوعارى ەكونوميكالىق كەڭەستىڭ كونسۋلتانتى.

1993-1994 جىلدارى - قازاقستان رەسپۋبليكاسى پرەزيدەنتىنىڭ جانىنداعى ەكونوميكالىق كونسۋلتانتتار كەڭەسى باسشىسىنىڭ ورىنباسارى لاۋازىمىن اتقارعان.

1994-1995 جىلدارى - قازاقستانداعى ەۋروپا قاۋىمداستىقتارى كوميسسياسى بيۋروسىنىڭ ۇلتتىق ديرەكتورى.

1995-1997 جىلدار ارالىعىندا - الماتى قالاسى ەكونوميكا جونىندەگى كوميتەتتىڭ ءتوراعاسى. 1997-2003 جىلدار ارالىعىندا - الماتى قالاسى اكىمىنىڭ ورىنباسارى.

2003-2007 جىلدار ارالىعىندا - قازاقستان رەسپۋبليكاسى قورعانىس ءمينيسترىنىڭ ەكونوميكا جانە قارجى جونىندەگى ورىنباسارى بولىپ قىزمەت اتقارعان.

2007 جىلعى اقپاننان باستاپ - قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى.

2009 جىلعى قىركۇيەكتەن باستاپ - قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى - قازاقستان رەسپۋبليكاسى قاۋىپسىزدىك كەڭەسى حاتشىلىعىنىڭ مەڭگەرۋشىسى.

مەملەكەت باسشىسىنىڭ 2014 جىلعى 15 قاڭتارداعى جارلىعىمەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى بولىپ تاعايىندالعان.

«قۇرمەت» وردەنىمەن (2005)، III دارەجەلى «بارىس» وردەنىمەن (2012)، 10 مەرەيتويلىق جانە ۆەدومستۆولىق مەدالمەن، سونىڭ ىشىندە رەسەي فەدەراسياسىنىڭ جانە بەلارۋس رەسپۋبليكاسىنىڭ مەدالدارىمەن ماراپاتتالعان.