تۇركيا ارمياسىنىڭ شتابى مالىمدەمە جاريالاپ، رەسەي باسشىلارىنىڭ رەسەي قىرعي ۇشاقتارىنىڭ ءال-باب قالاسىنداعى تۇركيانىڭ اسكەريلەرى ورنالاسقان عيماراتتى نىساناعا الۋى تۋرالى مالىمدەمەسىن تەرىسكە شىعاردى. بۇل تۋرالى Pars Today جازدى.

تۇركيادا شىعاتىن "YeniSafak" گازەتىنىڭ ينتەرنەت تورابىنىڭ مالىمدەۋى بويىنشا، تۇركيا ارمياسىنىڭ شتابى جۇما كۇنى تاراتىلعان مالىمدەمەدە: «تۇركيانىڭ اسكەريلەرى ون كۇن بۇرىن وسى مەكەنگە ورنالاستىرىلعان بولاتىن.  8ء-شى اقپاندا تۇركيانىڭ بىرىككەن كۇشتەرى ورنالاسقان مەكەنگە رەسەيدىڭ اسكەري كۇشتەرىنىڭ قاراماعىنداعى ايماقتان زىمىران اتىلعان سوڭ مالىمەتتەر تاعى دا رەسەيلىك تاراپقا جاريالاندى» دەپ مالىمدەدى.

رەسەي قىرعي ۇشاعىنىڭ ءال-باب قالاسىندا تۇركيا كۇشتەرى ورنالاسقان عيماراتقا جاساعان شابۋىلىنان تۇركيانىڭ ءۇش اسكەريى قازا بولىپ، 11 كىسى جارالاندى.

رەسەي پرەزيدەنتى ۆلاديمير پۋتين تۇركيا پرەزيدەنتى رەجەپ تايىپ ەردوعانمەن تەلەفون ارقىلى سۇحباتتا  وسى وقيعاعا وكىنىش ءبىلدىرىپ، تۇركيا اسكەريلەرىنىڭ قازاسىنا بايلانىستى ەردوعانعا كوڭىل ايتقان ەدى.