شىعارماشىلىعىن بالالارعا ارناعان جازۋشى ەسكەن ەلۋبايەۆ  75 جاسقا تولۋىنا ساناۋلى كۇندەر قالعاندا ومىردەن ءوتتى. جازۋشىمەن قوشتاسۋ ەرتەڭ ساعات 10:00-دە جازۋشىلار وداعىندا وتەدى. 

ەسكەن ەلۋبايەۆ — 18 اقپان 1942 جىلى، جامبىل وبلىسى قورداي اۋدانىنداعى وتار ستانساسىندا تۋعان. 1958 جىلى وتار ستانساسىنداعى №529 تەمىرجول ورتا مەكتەبىن بىتىرگەن. ءقازمۋ-دىڭ فيلولوگيا فاكۋلتەتىن 1966 جىلى تامامداعان. 1966 جىلدان باستاپ «قازاقستان پيونەرى» (قازىرگى «ۇلان») گازەتىندە، «جالىن»، «ونەر»، «بالاۋسا» باسپالارىندا، «بالدىرعان» جۋرنالىنىڭ باس رەداكتورىنىڭ ورىنباسارى بولىپ قىزمەت ىستەگەن. «ساعان كۇشىك كەرەك پە؟» كينو-فيلمى اۆتوردىڭ پەساسى بويىنشا تۇسىرىلگەن. شىعارمالارى قازاق جانە ورىس مەكتەپتەرىنە ارنالعان وقۋلىقتارعا ەنگەن.

نەگىزىندە بالالارعا ارناپ جازادى. ونىڭ «بولاتبەك» پەساسى رەسپۋبليكالىق قۋىرشاق تەاترىندا قويىلعان. حالىقارالىق «الاش» ادەبي سىيلىعىنىڭ لاۋرەاتى (1994). ۇلتتىق «استانا-بايتەرەك» كونكۋرسىنىڭ ەكى دۇركىن ءبىرىنشى جۇلدەگەرى (2007 — 2008)، حالىقارالىق «دارابوز» بايگەسىنىڭ ەكىنشى جۇلدەگەرى (2008). «قازاقستان تاۋەلسىزدىگىنە 10 جىل» مەدالىمەن ماراپاتتالعان، مەملەكەتتىك گرانت يەگەرى. 

"قامشى" پورتالى ۇجىمى مارقۇمنىڭ وتباسىنا قايعىرىپ كوڭىل ايتادى.