الاش پارتياسى مەن الاشوردا ۇكىمەتىنىڭ قۇرىلعانىنا 100 جىل!!!

بيىل الاش پارتياسى مەن الاشوردا ۇكىمەتىنىڭ قۇرىلعانىنا 100 جىل. ەگەمەندىك يدەياسىن العاش رەت ءىس جۇزىنە اسىرۋدى قولعا العان الاشتىقتار ەڭبەگى ەسكەرۋسىز قالماق ەمەس. بۇل اتاۋلى جىلدى بۇكىل ەل بولىپ ءوز دەڭگەيىندە وتكىزبەسەك، ەلدىگىمىزگە سىن. وسى ماقساتتا ەل ۇكىمەتى دە ءبىرقاتار شارالار قابىلداپ، مەملەكەتتىك دەڭگەيدە تويلاۋدى قولعا الۋدا. ءبىز، قازاقستاندىقتار، ءبارىمىز بۇل ەرەكشە مەرەكەنى زور ىقىلاسپەن اتاپ ءوتۋىمىز قاجەت جانە جالپىحالىقتىق ايتۋلى ءىس-شارالار وتكىزۋدى بۇگىننەن باستاعانىمىز ءجون. 
قازاق گەوگرافيالىق قوعامى ايتۋلى شارادان قاعىس قالماي، وزدەرىڭىزدەن الاشوردا ۇكىمەتىنىڭ 100 جىلدىعىنا وراي وتكىزىلۋى قاجەت، كەلەشەكتە ەل كەرەگىنە، حالىق يگىلىگىنە جارالىق شارالار جوباسىن كۇتەدى. ۇسىنىستارىڭىزدى ايتىپ، پىكىرلەرىڭىزدى بىلدىرسەڭىزدەر، ريزالىقپەن قابىلداپ، ىسكە اسىرۋدىڭ بار مۇمكىندىگىن قاراستىرۋعا دايىنبىز (ۇسىنىستارىڭىزدى ناۋرىزدىڭ 13-ىنە دەيىن الەۋمەتتىك جەلىلەردەگى رەسمي پاراقشامىزعا نەمەسە info@kazgeo.kz پوشتاسىنا جولداساڭىزدار بولادى).
الاش تويى - ەل تويى. توي قۇتتى بولسىن، ارداقتى قاۋىم!

© قازاق گەوگرافيالىق قوعامى