تۇركيادا 170-تەن استام بۇقارالىق اقپارات قۇرالدارىنىڭ جۇمىستارى مەملەكەتتىك زاڭ اياسىندا توقتاتىلىپ، كەيبىرى مەملەكەتتىڭ مەنشىگىنە ءوتتى. دەيتۇرعانمەن دە، «تۋركسات» سپۋتنيكتىك ارنالارىندا ەشقانداي وپپوزيسيالىق ارنا جوق. ءتىپتى بىردە ءبىر وپپوزيسيالىق باعىتتاعى گازەت نەمەسە جۋرنال باستىراتىن تيپوگرافيا جوق. ال بەيتاراپتىقتى ۇستانعان تيپوگرافيالاردى ۇكىمەت الدەقاشان اياق-قولىن ماتاپ تاستادى دەسەك بولادى. ال تاۋەلسىز اقپارات قۇرالدارىنىڭ اۋزىن بۋعان سول قوعامدا الەمگە اتىشۋلى دايش-قا تيەسىلى جۋرنالدىڭ جارىق كورىپ، باسىلۋىن قالاي تۇسىنۋگە بولادى دەيدى اقپارات كوزى http://aktifhaber.com/medya/isid-dergisinin-kapaginda-reina-var-h90058.html.  بۇدان بۇرىن ءبىرىنشى بەتىندە تۇرىك قارۋلى كۇشتەرىن جاۋ رەتىندە كورسەتىپ باسقان دايش-تىڭ «رۋمياح» جۋرنالىنىڭ تاعى دا جاڭا سانى جارىق كوردى. وسى جاڭا سانىنىڭ مۇقاباسىندا تۇنەۋ كۇنگى ىستانبۇلداعى «رەينا» تۇنگى كلۋبىندا بولعان قيان-كەسكى شابۋىلعا ورىن بەرگەن. «كيەلى ىستانبۇل وپەراسياسى» دەگەن تاقىرىپتاعى ماقالا جۋرنالدىڭ ىشكى بەتىندە كەڭىنەن جاريالانعان.

            سونىمەن قاتار، جۋرنالدا تۇركياعا قاتىستى كوپتەگەن اقپاراتتار دا بەرىلگەن. دايش جانە «سيرياداعى  ال-كايدانىڭ» تارماعى بولىپ كەلگەن ءال-نۇسرا جيھادشىل توبىنا قاراستى ءبىر ەمەس، بىرنەشە راديو دا ىستانبۇلدا ءوز جۇمىستارىن جۇرگىزىپ وتىر. سونىمەن قاتار، دايش-تىڭ جۋرنالى «رۋمياح» كوپتەن بەرى تۇركيادا جارىق كورۋدە. ستامبۋلداعى «باعىجىلار» اۋدانىندا ءال-نۇسرا جيھادشىل توبىنا قاتىستى بىرنەشە راديو ءالى جۇمىس ىستەپ تۇر دەپ جازادى اقپارات كوزى.  

ايشا مۇرات قىزى