امەريكاندىق رەجيسسەر دەميەن شازەللدىڭ   "لا-لا لەند" ميۋزيكلى    بافتا بريتاندىق كينو مەن تەليەۆيزيا ونەر اكادەمياسى ۇسىنۋىمەن «ەڭ ۇزدىك» فيلم اتاندى.

كينوكارتينا رەجيسسەرى دە ءوز كەزەگىندە «ۇزدىك رەجيسسەر» نوميناسياسى بويىنشا ماراپاتتالدى. ال باستى ءرولدى سومداعان اكتريسا ەمما ستوۋن «ۇزدىك اكتريسا» اتانعانى بەلگىلى بولدى.

 بيۋدجەتى 30 ءملن-دى قۇراعان بۇل تۋىندى تۇساۋكەسەرى وسى جىلى  12 قاڭتاردا كەسىلگەن بولاتىن.

2016 جىلى تۇسىرىلگەن بۇل ءفيلمنىڭ جانرى بۇگىنگى تاڭدا كەڭ تارالماعان، سۇرانىسقا يە دەۋگە كەلمەيتىن ميۋزيكل. دەسە دە، ءدال وسى ميۋزيكل جانرىمەن كينواكادەميا كريتيكتەرىن تاڭىن تۋدىرعان ءفيلمنىڭ سىرى نەدە بولدى ەكەن؟

  دەميەن شازەلل بۇل تۋىندىنى جارىققا شىعارۋ ءۇشىن ءبىراز جۇگىرىپ تەر توككەن كورىنەدى. 2010 جىلى جازىلعان ءفيلمنىڭ سەنارييىن  باستاپقىدا ەشقانداي كينوكومپانيا العىسى كەلمەگەن ەكەن.

لا لا لەندىڭ تاعدىرىن شىن مانىندە  رەجيسسەردىڭ 2015 جىلعى شىققان «ودەرجيموست» ءفيلمى شەشتى. سوڭعى اتالعان تۋىندى «وسكار» پرەمياسىنا ۇسىنىلىپ كورەرمەن تاراپىنان ۇلكەن قوشەمەتكە ىلىكتى. باستى ءرولى سومداعان دج. ك. سيممونس اكتەر  ەكى بىردەي گلوبۋس پەن وسكار سىيلىعىن يەنشىلەدى.  مىنە، ءدال وسىنداي تريۋمفتان سوڭ رەجيسسەردىڭ ءوزىنىڭ كوپتەن بەرى ويىندا جۇرگەن تۋىندىسىن جارىققا شىعارۋعا جولى اشىلىپ، مۇمكىندىگى ارتتى.

ميۋزيكل مازمۇنى ەكى جاستىڭ ارمان قۋىپ ۇلكەن قالاعا سول ارمانداردىڭ ورىندالۋىن قالاپ كەلگەنى جايىندا. ولاردىڭ اسقاق ارماندارى جولىنداعى كۇرەسى مەن ۇلكەن ماحابباتىن تاماشالاپ، ءفيلمنىڭ وسىنشاما سىيلىققا لايىقتىلىعىن اڭعارۋعا مۇمكىندىگىمىز بار.

ايتا كەتەيىك، فيلم 74ء-شى  «زولوتوي گلوبۋس»  پرەمياسىنىڭ دا يەگەرى بولىپ تابىلادى. بيىلعى 89- «وسكار» سىيلىعىنىڭ رەكوردتى  14 نومينانتى.

نازەركە مۇسا