ەگەر الەۋمەتتىك جەلىدە تاراعان وسىناۋ فوتوسۋرەت راسىمەن دە ەكسپو-2017 عيماراتىنان تۇسىرىلگەن بولسا، كوپ ۇزاماي بۇل نىسان دا قيراپ قالۋى بەك مۇمكىن. بۇل تۋرالى sn.kz حابارلايدى. بۇعان دەيىن حالىقارالىق كورمە ورتالىعىندا بوي كوتەرگەن ءزاۋلىم كوپىردىڭ كۇل-تالقانى شىققان بولاتىن.
اتالعان فوتوماتەريالدى Instagram الەۋمەتتىك جەلىسىنە كتك تەلەارناسىنىڭ بۇرىنعى باسشىسى ارمان شورايەۆ جۇكتەدى. ول دا سۋرەتتەگى ەكىگە ءبولىنىپ، قۇلايىن دەپ تۇرعان تەمىر قاڭقانى ەكسپو-2017 عيماراتىنان تۇسىرىلگەن بولۋى مۇمكىن ەكەنىن جازىپ وتىر.
ەستەرىڭىزگە سالايىق، بىلتىر قاراشا ايىنىڭ ورتا تۇسىندا ەكسپو-2017 كەشەنىندە قوس عيماراتتى جالعاپ تۇرعان كوپىر قيراپ قالعان بولاتىن. "استانا ەكسپو-2017" ۇك" اق باسشىلارى كەلتىرىلگەن شىعىننىڭ بولماشى عانا ەكەنىن ايتىپ، ونى قۇرىلىس كومپانياسى ءوز قاراجاتىنا جوندەيتىنىن مالىمدەگەن ەدى.
