جەڭىسبەك ءقادىر ۇلى ەسىمدى ازامات ەل اراسىندا «پىشاق وتپەيتىن تەمىر جىگىت» دەپ اتالىپ كەتكەن. سەبەبى، ونىڭ دەنەسىن قانشا پىقشاقپەن تىلگىلەسە دە قان شىقپايدى جانە جاراقاتتانبايدى. بۇدان بولەك ول كەۋدەسىنە تاس قويىپ ۇرعىزىپ، ەكى شىنتاعىمەن ەكى گىر تاسىن كوتەرە الادى.
ەرەكشە جىگىت قازىرگى تاڭدا سۇلتانماحمۇت تورايعىروۆ اتىنداعى مادەني-ساۋىق ورتالىعىندا جۇمىس ىستەيدى. شەتەلگە شاقىرتۋ الىپ تۇرادى ەكەن.
حالىق اراسىندا كەڭىنەن تانىلىپ جۇرگەن جىگىت كوپتەگەن رەسپۋبليكالىق بايقاۋلاردىڭ جۇلدەگەرى. 2013 جىلى وتكەن «ايماقتار الامانى» جوباسىنىڭ جەڭىمپازى اتانعان.
جەڭىسبەك ءقادىر ۇلى شىناشاقپەن جانە تىسىمەن 16 كەلەلىك گىر تاسىن كوتەرە الادى. ونىڭ ايتۋىنشا 12 جاسىندا ءتۇس كورىپ، دەنەسىن پىشاق كەسپەيتىنىن ايان ارقىلى بىلگەن. قازىرگى تاڭدا شاكىرت تاربيەلەپ ءجۇر.
