اعىمداعى جىلعى 17 اقپان كۇنى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ سوربوننا – قازاقستان ينستيتۋتىندا  «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان رەسپۋبليكاسى پرەزيدەنتىنىڭ جولداۋىنا ارنالعان عىلىمي-تاجىريبەلىك كونفەرەنسيا بولىپ ءوتتى.

ءىس-شاراعا كونستيتۋسيالىق كەڭەستىڭ ءتوراعاسى يگور روگوۆ، جوعارعى سوت ءتوراعاسى قايرات ءمامي، رەسپۋبليكانىڭ عىلىمي ينتەللەگەنسيا وكىلدەرى مەن جوعارى وقۋ ورىندارىنىڭ پروفەسسور-وقىتۋشىلار قۇرامى قاتىستى.

كونفەرەنسيا جۇمىسىن قازۇپۋ پرورەكتورى، ح.ع.د.، پروفەسسور  م.ە. ەرماعانبەتوۆ اشتى. كونستيتۋسيالىق كەڭەستىڭ ءتوراعاسى يگور روگوۆ پەن جوعارعى سوت ءتوراعاسى قايرات ءمامي كىرىسپە ءسوز سويلەدى.

ءوز سوزىندە كونستيتۋسيالىق كەڭەستىڭ ءتوراعاسى ي.روگوۆ الداعى كونستيتۋسيالىق رەفورماعا توقتالىپ ءوتتى. ول «قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ نەگىزگى اسپەكتىلەرىمەن تانىستىرا كەلە، جۇمىس توبى ءتۇسىپ جاتقان ۇسىنىستاردى قورىتۋ جۇمىستارىن جالعاستىرىپ جاتقانىن ايتتى.

جوعارعى سوت ءتوراعاسى قايرات ءمامي كىرىسپە ءسوز سويلەۋ بارىسىندا جولداۋدى ورىنداۋ جانە بيلىك تارماقتارىنىڭ اراسىنداعى وكىلەتتىكتەردى قايتا ءبولۋ رەفورماسىن جۇرگىزۋ بويىنشا سۋديالار كورپۋسىنىڭ الدىندا تۇرعان مىندەتتەردى ىسكە اسىرۋ باعىتىنداعى جوعارعى سوتتىڭ جۇمىسى تۋرالى حاباردار ەتتى.

كونفەرەنسيانىڭ كۇن تارتىبىنە سايكەس وعان قاتىسۋشىلار ءۇش سەكسيا شەڭبەرىندە مەملەكەت باسشىسىنىڭ قازاقستان حالقىنا جولداۋى تۇرعىسىنان تاۋەلسىز قازاقستان رەسپۋبليكاسىنىڭ كونستيتۋسيالىق-قۇقىقتىق دامۋ ماسەلەلەرىن، جاڭعىرۋ كەزەڭىندەگى ەلىمىزدىڭ سىرتقى ساياساتىنىڭ باسىمدىقتارى مەن ەكونوميكالىق ءوسۋدىڭ جاڭا مودەلىندەگى ءبىلىم بەرۋ ماسەلەلەرىن تالقىلادى.   

كونفەرەنسيا بارىسىندا ق ر ءبىلىم جانە عىلىم مينيسترلىگىنىڭ وكىلى – ق ر بعم ەكونوميكا ينستيتۋتىنىڭ وڭىرلىك ەكونوميكا جانە يننوۆاسيالىق دامۋ ءبولىمىنىڭ مەڭگەرۋشىسى ف.گ. ءالجانوۆانىڭ، ز.ع.د.، پروفەسسور                           س.ن. سابيكەنوۆتىڭ، ت.ع.د.، پروفەسسور ە.ا. كۋزنەسوۆتىڭ، ز.ع.د.، پروفەسسور ا.ا. ءسابيتوۆانىڭ جانە ت.ب. قازاقستاندىق تانىمال عالىمداردىڭ باياندامالارى تىڭدالدى.

كونفەرەنسياعا قاتىسۋشىلار مەملەكەت باسشىسى تالقىلاۋعا ۇسىنعان كونستيتۋسياعا تۇزەتۋلەر ەنگىزۋدى كوزدەيتىن زاڭ جوباسىنا جوعارى باعا بەردى. جۇمىس توبىنىڭ قاراۋىنا جولداناتىن ءبىرقاتار ۇسىنىستار ايتىلدى.

كونفەرەنسيانىڭ قورىتىندىسى بويىنشا جاھاندانۋ جانە  الەمدىك باسەكە جاعدايىندا قازاقستاننىڭ قازىرگى دامۋ كەزەڭىندە يننوۆاسيالىق ەكونوميكا، بيزنەس-ورتانى نىعايتۋ، سىبايلاس جەمقورلىقپەن كۇرەس جانە جالپى العاندا، ادامي كاپيتالدىڭ الەۋەتىن ارتتىرۋ ەلدى دامىتۋدىڭ،  قوعام مەن مەملەكەتتى ودان ءارى دەموكراتيالاندىرۋدىڭ باستى فاكتورلارى ەكەندىگى تۋرالى ورتاق پىكىر ايتىلدى.