قىتايدا باسقا شىعىس ەلدەرىندەگىدەي جەمقورلىق ماسەلەسى ۋشىعىپ تۇر. الايدا اسپان استى ەلىندە اتالعان ماسەلەنى شەشۋ جولىندا قاتىگەز ارەكەتتەرگە باراتىن ەلدەردىڭ بىرەگەيى.

زامانۋي قىتايدىڭ جەمقورلىقپەن ۇستالعاندارعا قاتىستى جازالاۋ ادىستەرى شەتەلدىك ساياساتكەرلەردىڭ جاعاسىن ۇستاتادى. قىتايلىقتاردىڭ ويىنشا الىپ ەلدىڭ قارىشتاپ دامۋىنا ءدال وسى قاتاڭ تارتىپتەر سەبەپ. دارىگەر، كىشىرگىرىم ينسپەكتورلار، جەرگىلىكتى كولىك ينسپەكسياسى پارا الۋعا قورقادى ەكەن.

ال گۋبەرناتور، مەر، مينيسر مەن پروكۋرور سەكىلدى شەنەۋنىكتەر پارا الۋ، قارجىنى جىمقىرۋ سەكىلدى قىلمىستىق ىستە ءجيى بوي كورسەتەدى. بۇل لاۋازىمدى ادامدار كەيدە ميللياردتاپ اقشا ۇرلايدى. الايدا سول ارقىلى وزدەرىنە ولىمگە كەسەتىنىن بىلمەيدى دە.

جۇڭگو ءولىم جازاسىنا كەسۋ بويىنشا كوش باستاپ تۇر. ءتىپتى ەڭ جوعارى لاۋازىمدى شەنەۋنىكتىڭ ءوزى ەرتەنگى كۇنى قىلمىسى اشكەرە بولىپ باسىنا وق اتىلماسىنا نەمەسە وعان ۋلى سۇيىقتىقتى سالماسىنا ەشكىم كەپىلدىك بەرە المايدى.

جۇڭگو بيلىگى 2015 جىلى عانا 300 مىڭ شەنەۋنىكتى پارا العانى ءۇشىن جاۋاپكەرشىلىككە تارتقان. ىشكى ىستەر ءمينيسترى مەملەكەتكە تيەسىلى 5  ميلليوندى كازينودا ۇتىلىپ قالعانى ءۇشىن اتۋ جازاسىنا كەسىلدى.

جۇزدەگەن اشىناسى بار جوعارى لاۋازىمدى شەنەۋنىكتە،  ەكى ميلليون دوللار پارا العان مەر دە ۇستالىپ، دۇنيە-مۇلكى تاركىلەنىپ، وزدەرى اتىلىپ كەتتى. ال تۋىستارى وققا كەتكەن قارجىنى مەملەكەتكە قايتارىپ بەردى.  

بۇكىل الەم قىتايدىڭ قىلمىسكەرلەرگە قاتىستى جازالاۋ ادىستەرىنە شوشىنا قاراسا دا، قىتايلىقتاردىڭ وزدەرى ودان ەشقانداي قاتىگەزدىك كورمەيدى. ءولىم جازاسىنا كەسۋ بويىنشا كوش ىلگەرى تۇرعانى حالىق سانىنىڭ كوپتىگىمەن تۇسىندىرەدى. جەمقورلىقتى تەك قاتال تارتىپپەن عانا جەڭۋگە بولادى دەپ ەسەپتەيدى.

جەرگىلىكتى تۇرعىندار از ۋاقىت بۇرىن عانا پارا الۋ زاڭداستىرۋدىڭ الدىندا عانا تۇرعانىن ايتادى. ال ەجەلگى زاماندا شەنەۋنىكتەر ادامداردى «سىيلىقسىز» قابىلداماعان. سوندىقتان وسىنداي جازالاۋ ادىستەرى بولماسا حالىق ءاربىر قادامىنا پارا بەرۋشى ەدى دەيدى قىتايلىقتار.