5 جىلدان بەرى ناۋرىز مەرەكەسىن تويلاپ كەلە جاتقان «قىزاي انا قورى» ناۋرىز مەرەكەسى قارساڭىندا جىر ءمۇشايراسىن جاريالادى دەپ حابارلايدى «قامشى» پورتالى. بۇل تۋرالى قوردىڭ ءتوراعاسى، ۇيىمداستىرۋشى ءبازارالى ءارىپ ۇلى ايتتى.

«قىزاي انا قورى» سوڭعى بەس جىلدا تالعار اۋدانى وستەمىر اۋىلىندا ناۋرىز مەرەكەسىن تويلاپ، حالىقتى ناۋرىز داستارحانىنا شاقىرىپ كەلەدى. جىل سايىن ناۋرىز كوجەمەن قاتار، ءسالت-داستۇردى ايشىقتايتىن ساحنالىق قويىلىمدار، ۇلتتىق ويىندار، كۇرەس سياقتى ۇلتتىق سپورت باسەكەلەرى ۇيىمداستىرىلادى. سونداي-اق، قور ناۋرىز تويىن وتكىزىپ قانا قويماي ستۋدەنتتەرگە ستەپەنديا، مەكتەپتەگى تۇرمىسى تومەن بالالارعا كومەكتەر ۇيىمداستىرادى.

«قىزاي انا قورى» بىلتىردان بەرى ناۋرىز تويى قارساڭىندا جىر ءمۇشايراسىن دا ۇيىمداستىرا باستادى. بيىل دا ناۋرىز مەرەكەسىنە ءبىر اي ۋاقىت قالعاندا قور ءمۇشايرا جاريالاپ وتىر. ءمۇشايرانىڭ ماقساتى: ۇلىستىڭ ۇلى كۇنى ناۋرىز مەرەكەسىن ۇلىقتاۋمەن بىرگە بۇگىنگى جاستارىمىزعا الاش رۋحىن دارىپتەۋ. قىزاي انانىڭ تۇلعالىق، كىسىلىك كەلبەتىن ايشىقتاپ، جاستارعا ونەگەسىن كورسەتۋ.ءمۇشايرانىڭ جۇلدە قورى: باس جۇلدە 200 مىڭ، ءبىرىنشى ورىن 150، ەكىنشى ورىن 100، 3- ورىن 50 مىڭدى قۇرايدى.

ءمۇشايرانىڭ شارتى:

1. الاشوردا ۇكىمەتى تۋرالى پاتريوتتىق ولەڭ؛

2. قىزاي انانىڭ كەمەڭگەرلىك تاعلىمدى ءومىرى مەن انا بولمىسىنا ارنالعان ولەڭ؛

3. ەركىن تاقىرىپتاعى ولەڭ.

4. قاتىسۋشىلاردىڭ جاس مولشەرى 35-تەن اسپاۋى قاجەت. اقىنداردىڭ ولەڭدەرى «ادەبيەت پورتالىندا» جاريالانادى. وقىرمان پىكىرىن ەسكەرە وتىرىپ، ءادىل قازىلار جۇلدەگەرلەردى انىقتاپ، اقپارات قۇرالدارىندا جاريالايدى.

جەڭىمپازدار 23 ناۋرىز كۇنى ساعات 11-دە الماتى وبلىسى، تالعار اۋدانى، وستەمىر اۋىلىندا وتەتىن ناۋرىز مەرەكەسىندە اقشالاي جانە باعالى سىيلىقتارمەن ماراپاتتالادى. ولەڭدەردى 15 ناۋرىزعا دەيىن «ادەبيەت پورتالىنىڭ» ەلەكتروندى پوشتاسىنا ءوزىنىڭ مەكەن-جايىن، تەلەفون ءنومىرىن قوسىپ جىبەرۋى كەرەك. ەسكەرتۋ: جەڭىمپازداردىڭ جول شىعىنى ءوز ەسەبىنەن بولادى.

ەلەكتروندى پوشتا: adebiportal@gmail.com تەلەفون: +7 (7172) 79 82 12، 8 775 126 34 46