اقش-تا گيتلەرگە تيەسىلى بولعان تەلەفون ساتىلىپ جاتىر دەپ حابارلايدى bbc.com.

اۋكسيونعا گەرمانيانىڭ ۇلتشىل ليدەرى بولعان ادولف گيلەردىڭ قىزىل تەلەفونى ساتىلىمعا قويىلعان. ساتىلىم وسى دەمالىس كۇندەرىنە جوسپارلانىپ وتىر.

بۇل تەلەفون 1945 جىلى بەرليندە گيتلەردىڭ بۋنكەرىندە تابىلعان ەكەن. تەلەفوننىڭ ارتقى جاعىندا يەسىنىڭ ەسىمى مەن ۇلتشىلدىق سيمۆولى بەدەرلەنگەن. ونى كەڭەس سولداتتارى تاۋىپ، بريتاندىق گەنەرال رالف رەينەرگە كادەسىي رەتىندە تاپسىرعان كورىنەدى.

 ال بۇگىن  تەلەفوندى ساتىلىمعا شىعارىپ وتىرعان سول گەنەرال رەينەردىڭ ۇلى.

اۋكسيون مەريلەندتەگى چەساپيك سيتيدا وتەدى.

 Alexander Historical Auctions اۋكسيون ءۇيىنىڭ مالىمدەۋىنشە، ساتىلىم 100 مىڭ دوللاردان باستالادى. دەگەنمەن، ۇيىمداستىرۋشىلار ءوز كەزەگىندە تاريحي جادىگەردىڭ كەم دەگەندە 300 مىڭ دوللارعا ساتىلۋى كەرەك ەكەندىگىن جاسىرمادى.

اۋكسيون ءۇيىنىڭ وكىلى بۇل تەلەفوندى «جاپپاي قىرىپ-جويۋ قۇرالى» دەپ اتادى. گيتلەر ءولىم جازاسىنا كەسۋ، ءولتىرتۋ سياقتى بۇيرىقتارىن  ءدال وسى تەلەفون ارقىلى جۇزەگە اسىرعان.   

اۋدارعان نازەركە مۇسا