«وقۋ ينەمەن قۇدىق قازعانداي»  دەمەكشى، قاي ۋاقىتتا بولسىن، قاي جاسقا كەلسەڭىزدە ءبىلىم الۋعا ەشقاشان كەش ەمەس جانە ەشقانداي كەدەرگى جوق.  قازاقتىڭ بويىنا سىڭگەن دارا قاسيەتتەردىڭ ءبىرى ەرتە باستان باستاپ  حات تانۋ،  زەردەسىن اشۋ. وسى بولمىستارىنىڭ ارقاسىندا ءوزىنىڭ عىلىمعا ، وقۋ- بىلىمگە دەگەن زەرەكتىگىن بايقاتىپ جاتادى.  كوشپەلى ءومىر كەشىپ، سايىن دالانىڭ قۇشاعىندا  تەربەلگەن  اڭقاۋ دا، باۋىرماشىل قازاقتىڭ ونەر بىلىمگە دەگەن قۇشتارلىعى ەرەكشە بولاتىن.   سول قاسيەت قازىردە ءوز قۇندىلىعىن جوعالتپاعان. ەل اراسىندا ءتىلى شىعا سالىپ، حات تانىپ، قازاقتىڭ باتىرلارىنىڭ جىرلارىن، ەرتەگى داستاندارىن جاتقا وقىپ،  ەلدى تامساندىرىپ جۇرگەن  دانالارىمىزدىڭ قاتارى از ەمەس. وسىدان-اق  قازاقتىڭ ءار بالاسىنىڭ اسقاق ارمان مەن جارقىن بولاشاقتى قالايتىنىن بايقايمىز.  مۇحتار اۋەزوۆ: «حالىق پەن حالىقتى، ادام مەن ادامدى تەڭەستىرەتىن نارسە-بىلىم» دەگەن ەدى.  وسى ءسوزدى ەرتە باستان جەتە تۇسىنگەن تۇلعالارىمىزدىڭ باستى ماقساتى- قاراڭعى قازاقتىڭ  كوگىنە كۇن بولىپ جارىق ءتۇسىرىپ،  اسقاق رۋحىن سەرپىلتىپ، وزگە جۇرتپەن ىرگەمىزدى تەڭەستىرۋ.

      بار قيىندىق پەن ازاپتى،  حالىقتىڭ كورگەن قورلىعىن  ءوقۋ-بىلىمنىڭ شىراعىن ۇستاۋ ارقىلى  جەڭۋگە بولاتىنىن جەتە ۇعىنعان دارابوزدارىمىزبەن تانىسىپ وتسەك.

    الاشتىڭ اردا كوسەمى، ادەبيەت كوگىندە جارقىراپ  جانعان جارىق جۇلدىزدىڭ ءبىرى جانە بىرەگەيى- ماعجان جۇمابايەۆ   4 جاسىنان باستاپ حات تانىعان ەكەن.

قازاق حالقىنىڭ تۇڭعىش اعارتۋشىسى، قازاق بالالار ادەبيەتىنىڭ اتاسى - ىبىراي ءالتىنساريندى اتاسى  بالقوجا بي 3 جاسىنان باستاپ، ءوز تاربيەسىنە  الىپ بىلىمگە باۋلي باستاعان.

قازاقتىڭ كوگىنە كۇن بولىپ جارقىراپ شىققان الىپ شىڭىمىزدىڭ ءبىرى – سۇلتانماحمۇت تورايعىروۆتىڭ ءوزى  6 جاسىندا حات تانىعان بولاتىن.

شىعىستىڭ قۇيرىقتى جۇلدىزى بولىپ جارق ەتكەن، وزات ويشىل-شوقان ءۋاليحانوۆ 5 جاسىندا حات تانىپ، ورىستىڭ زيالىلارىن مويىنداتقان بولاتىن.

ادەبيەت الەمىنىڭ بيىك اسۋىن باعىندىرعان ،  قازاقتىڭ بىرەگەي قالامگەرى، جازۋشىلىقتىڭ كوگىندە قىرانداي قالىقتاعان مۇحتار اۋەزوۆ ەرتە جاسىندا حات تانۋمەن قاتار، 15-16 جاسىندا كوركەم شىعارما جازۋعا بەيىمدەلىپ، العاشقى قادامدارىن جاساعان .

اتاقتى اقىن، عۇلاما وقىمىستى، قارشادايىنان بىلىمگە باس قويعان ءماشھۇر ءجۇسىپ كوبەيەۆ 5 جاسىندا حات تانۋمەن قويماي، اراب پارسى تىلدەرىن جەتىك مەڭگەرگەن .

 ەل ءۇشىن سول ءبىر قيىن قىستاۋ كەزەڭدەردە ءبىلىم الىپ ، قاراڭعى قازاقتىڭ قاتارىنان وزىپ شىعىپ ساۋاتتى بولۋدىڭ ءوزى  قيىن ءىس ەدى.  وسى اۋىر جۇكتى ەرتە جاستان باستاپ كوتەرە بىلگەن، ءوز تاباندىلىعى مەن قايسارلىقتارىنىڭ ارقاسىندا وزىق بولىپ العان شىققان، ۇلى تۇلعالاردىڭ ۇلى قادامدارىنا تاڭقالماسقا بولمايدى.

كوگەرشىن تىلەگەن