باتىس قازاقستان وبلىسىنىڭ اكىمى التاي كولگىنوۆكە قازاقستان پرەزيدەنتى بولۋ ۇسىنىلدى. بۇل ۇسىنىستى وبلىس اكىمىمەن ەسەپ بەرۋ كەزدەسۋى كەزىندە بوكەي ورداسى اۋدانىنىڭ تۇرعىنى مۇساعالي العا تارتتى دەپ جازادى «ۋرالسكايا نەدەليا» گازەتى.
ول اكىمنىڭ اۋىلشارۋاشىلىعىنا قوسىپ جاتقان ۇلەسىن ايتىپ، ماقتادى.
«ءسىز ءوز كەزەڭىنە ساي ادامسىز، التاي سەيدىر ۇلى ءسىز سەكىلدى جىگىت قازاقستان پرەزيدەنتى بولسا، وندا ەلىمىزدە ءبارى جاقسى بولادى»، — دەدى ول.
باتىس قازاقستان وبلىسىنىڭ اكىمى بۇل ۇسىنىسقا قازاقتىڭ ماقال-ماتەلىمەن جاۋاپ قاتتى.
«قازاقتار: « قۇرتايىن دەسەڭ، ماقتا» دەپ ايتادى عوي. مەنىڭ وبلىسقا باسشى بولىپ كەلگەنىمە ءالى ءبىر جىل بولعان جوق، ماعان ءالى دە جۇمىس ىستەۋگە مۇمكىندىك بەرىڭىزدەر ەندى…»، — دەدى اكىم.
