الماتى اكىمى باۋىرجان بايبەك ەسەپ بەرۋ جينالىسىندا ، حالىقتى شىمكەنتتىك، شىمكەنتتىك ەمەس دەپ بولمەي، ىستەگەن ىستەرىنە، ەڭبەكتەنگەندەرىنە قاراي باعالايىق دەدى. بۇل جونىندە Tengrinews.kz جاڭالىقتارى حابارلايدى.
اكىم مۋنيسيپالدى اۆتوپاركتى نە سەبەپتى شىمكەنتتىڭ Green Bus كومپانياسىنىڭ باسشىلىعىنا تاپسىرعانىن ءتۇسىندىردى. ونىڭ سوزىنە قاراساق، كەزىندە «الماتىەلەكتروترانسە» كومپانياسىندا اقشانى ءتيىمسىز پايدالانۋ جونىندە اقپاراتتار انىقتالدى.
«وزدەرىڭىزگە بەلگىلى ەڭ ارزان بولشەكتەر شىمكەنتتە ساتىلادى. ءبىزدىڭ باستىقتارىمىز، جەتەكشى ماماندارىمىز جاقسى ادامدار بولسا، ءتيىمدى ۇنەمدەۋگە تىرىسادى، ال پاسىق ادامدار بەنزين ورنىنا سۋ قۇيىپ بەرەدى، بولشەكتەرىن شاشىپ، بازارلاردا زاڭسىز ساۋدا جاساۋمەن اينالىسار ەدى. بۇل جاعدايلار ءبىر كۇندەرى ەلگە كولەڭكەسىن تيگىزەدى. 25 جىل بويى جۇرگىزۋشىلەر اقشانى ءوز قالتالارىنا سالىپ كەلدى ەمەس پە»، - دەپ ىزاسىن ءبىلدىردى بايبەك.
«بىزدە كونستيتۋسيا بار. شىمكەنتتىكتەردى باسقالارىنان تومەن دەپ كىم ايتتى؟ كەرىسىنشە، قايتا سول 2 ميلليون تۇرعىن ەلىمىزگە الدەقايدا ءتيىمدى. جۇمىس ولاردىڭ ەمەس، ولار جۇمىستىڭ ارتىنان جۇگىرەدى، ىزدەنەدى، تالماي ەڭبەك ەتەدى. ولاردىڭ كەز-كەلگەن ىسكە پىسىق ەكەندەرىن دە ايتىپ ءوتۋ كەرەك. جانە ءدال شىمكەنتتىكتەر سەكىلدى ەشكىم جۇمىس ىستەي المايدى. ونىڭ ۇستىنە ءبىزدىڭ قالادا شىمكەنتتىڭ تۋمالارى كوپ».
باۋىرجان بايبەكتىڭ ايتۋىنشا، Green Bus كومپانياسىنا باسشىلىقتى تاپسىرعانى – وتە دۇرىس شەشىم.
«نەگە شىمكەنتتىك كومپانيا؟ سەبەبى، شىمكەنت – تۇرعىندار ساننى كوپ ۇلكەن قالا. ءارڭ Green Bus قاشان دا وڭ ناتيجە كورسەتەتىن جەكە كومپانيا. ءبىز بايقاۋ جۇرگىزگەندە شىمكەنتتىڭ كومپانياسى جەڭىسكە يە بولعان ەدى. ءبىز بۇل تاڭداۋدا قاتەلەسپەدىك. بۇل كومپانيا تالاي قارىزداردى جاۋىپ، 137 اۆتوبۋستى ءوز ەسەپتەرىنە ساتىپ العان».
بايبەكتىڭ سوزىنە قاراساق، قوعامداعى ترانسپورتتىڭ بۇرىنعى جۇيەسى قايتىپ كەلمەيدى.
«سول ءۇشىن شىمكەنتتىكتەردى ءبولۋدىڭ قاجەتى جوق. ونىڭ ءبارى قيسىنعا قونبايتىن اڭگىمەلەر. تۋىپ وسكەن جەرىنە ەمەس، ادامنىڭ وزىنە قاراۋىمىز كەرەك، ونىڭ ىسىنە كوڭىل اۋدارۋىمىز كەرەك»، - دەپ ءسوزىن جالعاستىردى.
اۋدارعان: گۇلىم جاقان
