تاجىكستان پرەزيدەنتى ۇلىنىڭ جاسىندا قالانىڭ اكىمى ەمەس، كەڭەس شارۋاشىلىعىنىڭ ديرەكتورى بولعانىن ايتىپ، ءوز تاجىريبەسىنەن 5 اقىل ايتتى.

قاڭتار ايىندا تاجىكستان پرەزيدەنتى ەمومالي راحمون ۇلىن دۋشانبەنىڭ اكىمى ەتىپ تاعايىندادى. 30 جاسقا تولماعان رۋستام ەمومالي تمد ەلدەرىنىڭ استاناسىنا اكىم بولىپ تاعايىندالدى. بۇل جايىندا informbburo.kz جاڭالىقتارى حابارلايدى.

پرەزيدەنتتىڭ ۇلىنا بەرگەن العاشقى اقىلى «ءاردايىم تالاپشىل» بول دەيدى.

«ءوزىڭنىڭ بەرگەن بۇيرىقتارىڭنىڭ ورىندالۋىن ءجيى قاداعالا. سەن جاسسىڭ، وتە جاسسىڭ. مەن سەنىڭ جاسىڭدا كەڭشار ديرەكتورى بولعانمىن»، - دەدى ەمومالي راحمون.

ودان كەيىن تاجىكىستان باسشىسى ۇلىنا تاۋەلسىز، ءارى ءوز بەتىنشە شەشىم قابىلداي الاتىن ازامات بولۋ كەرەك ەكەندىگىن ايتتى.

«سەنى ەشكىم قىسپاققا الا المايدى. ساعان ەشكىم بۇيىرىپ سولەپ، جۇمىس تاپسىرا المايدى. سول ءۇشىن دە باسقاسىن ەمەس، سەنى تاعايىندادىم»، - دەپ  ءسوزىن جالعاستىردى.

ءۇشىنشى اقىلى –  حالىق ءۇشىن باعانى تومەنەدەتۋ. پرەزيدەنت ۇلى رۋستام ەموماليعا حالىقتى لايىقتى جۇمىسپەن قامتاماسىز ەتۋگە شاقىردى.

ەشقاشان دا ءوز جۇمىسشىلارىنا دورەكىلىك تانىتپاي، ولارمەن ادەپتى، سىپايى بولۋىن ءتورتىنشى اقىلى رەتىندە ايتتى.

ەڭ سوڭىندا، اكىمگە ىسكەرلەر ۇيىندە تۇستەنبەۋىن ەسكەرتتى.

«مەيرامحانالارعا بارما. جۇمىسشىلاردىڭ، قاريالاردىڭ، جەتىم-جەسىرلەردىڭ ۇيلەرىندە تۇستەن. ولار سەنى قۋانا قارسى الادى. قولىنداعى بارىمەن ءدام تاتتىرادى. ۇيلەرىنە اكىمنىڭ كەلگەنى – قاراپايىم حالىق ءۇشىن ۇلكەن مارتەبە»، - دەپ اقىلىن اياقتادى ەمومالي راحمون.

دۋشانبەنىڭ بۇرىنعى اكىمى ماحمادسايد ۋبايدۋللوۆ 19 جىلعى ەڭبەگىنەن سوڭ قىزمەتتەن بوساتىلعان ەدى.

جاڭا اكىم رۋستام ەمومالي بۇعان دەيىن قارجى جانە سىبايلاس جەمقورلىققا قارسى كۇرەس اگەنتتىگىنىڭ باسشىسى قىزمەتىن اتقارعان. تمد ەلدەرى بويىنشا ول ەڭ جاس گەنەرال.

2016 جىلى تاجىكستان پرەزيدەنتى ازاماتتاردىڭ 30-35 جاس ارالىعىنان باستاپ پرەزيدەنتتىككە ۇمىتكەر بولا الاتىنى جايىندا زاڭ قابىلداعان. ساراپشىلاردىڭ ويىنشا، ەمومالي راحمون ءوز ۇلىن ەل باسقارۋعا دايىنداماقشى. 2020 جىلعى سايلاۋدا رۋستام ەموماليدىڭ جاسى 33-تە بولادى.