2017 جىلى 13-18 اقپان كۇندەرى اراسىندا مەدەۋ اۋدانىنىڭ اكىمى ەرجان جىلقىبايەۆ حالىق الدىندا ەسەپ بەردى دەپ حابارلايدى «قامشى» پورتالى.

2017 جىلى 13 اقپاندا مەدەۋ اۋدانىنىڭ اكىمى ەرجان جىلقىبايەۆتىڭ 30 وكرۋگ تۇرعىندارىمەن ەسەپتىك كەزدەسۋى بولىپ ءوتتى. 

       كەزدەسۋگە تۇرعىندار، دەنساۋلىق، ءبىلىم بەرۋ، قوعامدىق ورىندار، كىشى جانە ورتا بيزنەس وكىلدەرى، پيك، زەينەتكەرلەر، ارداگەرلەر، قالالىق جانە اۋداندىق قىزمەتتەردىڭ وكىلدەرى قاتىستى.

مەدەۋ اۋدانىنىڭ اكىمى ە.ج.جىلقىبايەۆ №30 وكرۋگ تۇرعىندارى الدىندا 2016 جىلدىڭ اۋدانداعى نەگىزگى الەۋمەتتىك-ەكونوميكالىق كورسەتكىشتەرى مەن 2017 جىلدىڭ جوسپارلارى جونىندە،  ەلىمىزدە وتكەن رەفورمالاردى جۇزەگە اسىرۋ جانە ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىنىڭ تاپسىرمالارىن جۇزەگە اسىرۋ بارىسى تۋرالى بايانداما جاسادى.   

         كەزدەسۋدە تۇرعىندار تاراپىنان ديۆايەۆ كوشەسىنە اسفالت جابىندىسىن توسەۋ، «تازالىق» پيك جۇمىسى، بوگەنباي باتىر كوشەسىنە ارىق جۇيەسىن جۇرگىزۋ، اۋدان ايالدامالارىندا ترانسپورت بەلگىلەرىن قويۋ، اۋلالاردا بەينەكامەرالار ورناتۋ جونىندەگى سۇراقتار كوتەرىلدى. ءوز كەزەگىندە اۋدان باسشىسى كوتەرىلگەن سۇراقتار جاقىن ارادا ءوز شەشىمىن تاباتىندىعىن مالىمدەدى.

كەزدەسۋدى قورىتىندىلاي كەلە تۇرعىندار قالادا جانە اۋداندا وتكەن الەۋمەتتىك-ەكونوميكالىق رەفورمالارعا وڭ ناتيجەسىن بەردى. 

2017 جىلدىڭ 14 اقپانىندا وقۋشىلار سارايىندا 29 وكرۋگ تۇرعىندارى الدىندا اۋدان اكىمى ەرجان جىلقىبايەۆتىڭ ەسەپ بەرۋ كەزدەسۋى بولىپ ءوتتى. كەزدەسۋگە اۋدان قىزمەتتەرى مەن مەكەمەلەرىنىڭ باسشىلارى جانە اۋدان تۇرعىندارى قاتىستى.

     اۋدان اكىمى ە.جىلقىبايەۆ تۇرعىندار الدىنا شىعىپ، وتكەن جىلدىڭ اتقارىلعان جۇمىستارىنىڭ قورىتىندىلارىمەن تانىستىرۋدى جالعاستىردى. 2016 جىلى 37 كم-دەن اسا، ياعني 92 كوشەگە جوندەۋ جۇمىستارى جۇرگىزىلدى. مىسالى، شاشكين، گورنوۆوستوچنايا، ج.وماروۆا، قايىربەكوۆا، ز.كوسمودەميانسكايا جانە ت.ب. كوشەلەر.

     ولاردىڭ 27 كم اۋدان ايماعىنا قوسىلعان «سۇلۋساي»، «كولساي»، «اققايىڭ» ىقشام اۋداندارىنىڭ جولدارى جوندەۋدەن ءوتتى. كوپتەن كۇتكەن 2 كم قاشىقتىقتاعى تولە بي كوشەسى بويىمەن قايىربەكوۆ كوشەسىنەن شىعىس اينالما جولىنا دەيىن جول ايرىعى اشىلدى.

جاقسى جانە قاناعاتتانارلىق جاعدايداعى قۇرىلىس جانە جوندەۋ جۇمىستارى جۇرگىزىلگەن جولدار قاشىقتىعى 288 كم قۇرادى.

11 ۋچاسكەدە (ارىقوۆ، پوتانين، قونايەۆ، قالداياقوۆ، رايىمبەك، ەسكەندىروۆ، ي.قوڭىر، تالعار تاس جولى، فۋرمانوۆ/جىبەك جولى، قونايەۆ/ءالىمجانوۆ كوشەلەرى) كوكتەم مەزگىلىندە جولدار مەن تۇرعىن ۇيلەر ماڭىندا سۋ دەڭگەيى كوتەرىلگەن بولاتىن، جاۋىن سۋى مەن ەرىگەن قار سۋلارىنىڭ اعىزۋىن جاقسارتۋ ماقساتىندا ارىق جۇيەلەرىنە  جالپى قاشىقتىعى 2،4 كم بولاتىن جوندەۋ جۇمىستارى جۇرگىزىلدى.

سونىمەن قاتار، اۋداندا قاۋىپسىزدىكتى قامتاماسىز ەتۋدە قىلمىس دەڭگەيىن تومەندەتۋگە ەرەكشە كوڭىل ءبولىنىپ وتىر.

بۇگىنگى كۇنى «ءقاۋىپسىز اۋلا» جوباسى اياسىندا 2 مىڭ بەينە باقىلاۋ قۇرىلعىلارى قويىلدى. اۋدان بويىنشا تۇتاس العاندا 10 مىڭ باقىلاۋ قۇرىلعىسى قويىلعان.  بيىلعى جىلى بۇقارا جينالعان ورىنداردىڭ بارلىعىنا  بەينە باقىلاۋ ورناتۋ بويىنشا جوبا باستالىپ وتىر (ساياباقتار، سكۆەرلەر، الاڭدار جانە ت.ب.).

جول جوندەۋ، بالالار اۋلاسى، كوشەلەردى جارىقتاندىرۋ، جول وتكەلدەرى - اۋدان اكىمى ەرجان جىلقىبايەۆتىڭ 2017 جىلدىڭ 15 اقپانىندا وتكەن 28 وكرۋگتىڭ تۇرعىندارى الدىنداعى ەسەپ بەرۋ كەزدەسۋىندەگى ەڭ نەگىزگى سۇراقتار بولدى. شاراعا قالالىق ءماسليحاتتىڭ دەپۋتاتى م.ءادىلحانوۆ، اۋدان قىزمەتى مەن قۇرىلىمداردىڭ باسشىلارى مەن تۇرعىندار قاتىستى. اۋدان باسشىسى ەرجان جىلقىبايەۆ 2016 جىلدىڭ الەۋمەتتىك-ەكونوميكالىق دامۋى تۋرالى اقپاراتتان باستادى. ول - ونەركاسىپ، قۇرىلىس، كورىكتەندىرۋ، الەۋمەتتىك سالا جانە مادەنيەت سالالارى جونىندەگى ماسەلەلەر. بايانداما مەن سلايدتاعى كورسەتكىشتەر اۋداندا كوپتەگەن ىستەر جاسالعانىن كۋالاندىرادى. ەسەپتىك كەزدەسۋ بارىسىندا تۇرعىندار تاراپىنان قويىلعان سۇراقتارعا ناقتى جاۋاپتار بەرىلدى. سونىمەن قاتار، كۇردەلى ماسەلەلەر باقىلاۋعا الىنىپ، مۇمكىندىگىنشە شەشىمىن تاباتىن بولادى.

16 اقپان كۇنى  «الاتاۋ» ىقشام اۋدانىندا مەدەۋ اۋدانىنىڭ اكىمى ەرجان جىلقىبايەۆتىڭ قورىتىندى ەسەپتىك كەزدەسۋى بولىپ ءوتتى. كەزدەسۋگە الماتى قالاسى ءماسليحاتىنىڭ دەپۋتاتى ءا.نابييەۆ، قالالىق جانە اۋداندىق قىزمەتتەردىڭ وكىلدەرى، قۇقىق قورعاۋ ورگاندارىنىڭ قىزمەتكەرلەرى، تۇرعىندار، ءبىلىم بەرۋ، دەنساۋلىق ساقتاۋ سالالارى جانە قوعامدىق ۇيىمدار قاتىستى. 

     اۋدان باسشىسى ە.جىلقىبايەۆ «الاتاۋ» ىقشام اۋدانى تۇرعىندارىنىڭ الدىنا اۋداننىڭ 2016 جىلدىڭ نەگىزگى الەۋمەتتىك-ەكونوميكالىق كورسەتكىشتەرى جانە 2017 جىلعا ارنالعان جوسپارلار، وتكەن رەفورمالاردى جۇزەگە اسىرۋ ماقساتىنداعى مىندەتتەر مەن نەگىزگى باعىتتار تۋرالى جانە دە ەلباسىنىڭ حالىققا جولداۋىنداعى تاپسىرمالاردى ورىنداۋ بارىسى تۋرالى بايانداما جاسادى.

        كەزدەسۋدەگى نەگىزگى ماسەلەلەر جول جوندەۋ، تۇرعىن ءۇي ماسەلەلەرى، ىقشام اۋدانداعى كوشە جارىقتارى، اۋلالار مەن بالالار الاڭدارىن كورىكتەندىرۋ، سونداي-اق قوعامدىق كولىك كەستەسى ماسەلەلەرىنە بايلانىستى بولدى. 

        مەدەۋ اۋدانىنىڭ اكىمى ە.ج.جىلقىبايەۆقا تۇرعىندار تاراپىنان سۇراقتار قويىلىپ، ناقتى جاۋاپتار بەرىلدى. تۇرعىنداردىڭ كوپتەگەن سۇراقتارىنا جاۋاپتار سول جەردە بەرىلدى، ال كۇردەلى سۇراقتاردى شەشۋ ءۇشىن اكىم ءوزىنىڭ جەكە باقىلاۋىنا الدى.

2017 جىلى 17 اقپاندا قازاق مەملەكەتتىك جامبىل اتىنداعى فيلارمونياسىندا مەدەۋ اۋدانىنىڭ اكىمى ەرجان جىلقىبايەۆتىڭ 30 وكرۋگ تۇرعىندارىنا ەسەپ بەرۋ كەزدەسۋى جالعاسىن تاپتى.

    ەسەپتىك كەزدەسۋ جۇمىسىنا الماتى قالالىق ءماسليحات دەپۋتاتتارى ءا.نابييەۆ جانە ب.سادىقوۆ، ءبىلىم بەرۋ، دەنساۋلىق ساقتاۋ سالالارى، قالالىق جانە اۋداندىق قىزمەتتەر، قۇقىق قورعاۋ ورگاندارىنىڭ وكىلدەرى مەن تۇرعىندار قاتىستى.

    كەزدەسۋ بارىسىندا اۋدان اكىمى «2016 جىلداعى مەدەۋ اۋدانىنىڭ الەۋمەتتىك-ەكونوميكالىق دامۋ قورىتىندىلارى جانە 2017 جىلعا دامۋ پەرسپەكتيۆالارى تۋرالى» بايانداماسىمەن حالىق الدىنا شىقتى.    

    ارى قاراي، وتكىزۋ تارتىبىنە سايكەس تۇرعىنداردان ەسكەرتپەلەر مەن ۇسىنىستار قابىلدانىپ، قويىلعان سۇراقتاردىڭ بارلىعىنا ناقتى جاۋاپتار بەرىلدى، سونداي-اق تۇسكەن ەسكەرتپەلەر مەن ۇسىنىستار باقىلاۋعا الىندى.       

  بارلىعى – الەۋمەتتىك سيپاتتاعى  سۇراقتار  ءتۇستى، ولار: جول جوندەۋ، ايالداما كەشەندەرى مەن جاياۋ جۇرگىنشىلەر جولىن سالۋ، كوشە تازالىعى، قوعامدىق كولىكتەر، سپورت الاڭدارىن سالۋ جانە ت.ب.

مەدەۋ اۋدانىندا 2017جىلى مەملەكەتتىك جەكە سەرىكتەستىك اياسىندا دۋمان جانە كوكتوبە سىندى ىقشام اۋداندارىندا جەكەمەنشىك 20 بالا باقشا اشىلاتىن بولادى. 2016 جىلى جەكەمەنشىك 24 بالا باقشا اشىلىپتى!