رەسەيدىڭ بۇۇ جانىنداعى تۇراقتى وكىلى ۆيتاليي چۋركين قايتىس بولدى دەپ حابارلايدى BBC ورىس قىزمەتى.
رەسەي سىرتقى ىستەر مينيسترلىگىنىڭ حابارلاۋىنشا، ديپلومات ءوزىڭنىڭ 65 جاسىنا ءبىر-اق كۇن قالعاندا نيۋ-يوركتە قايتىس بولدى.
"رەسەيدىڭ كورنەكتى ديپلوماتى قىزمەت ورنىندا ومىردەن ءوتتى. ۆيتالي يۆانوۆيچ چۋركيننىڭ وتباسىنا تەرەڭ قايعىمىزدى بىلدىرەمىز" دەلىنگەن رف ءسىم مالىمدەمەسىندە.
چۋركين بۇۇ جانىنداعى تۇراقتى وكىل بولىپ 2006 جىلى 8 ساۋىردە تاعايىندالعان. وعان دەيىن رەسەي سىرتقى ىستەر مينيسترلىگىنىڭ ەرەكشە تاعايىندالعان ەلشىسى بولعان.
نيدەرلاندتىڭ بۇۇ جانىنداعى رەسمي وكىلىنىڭ Twitter-دەگى جازباسىنا ساي بۇۇ چۋركيننىڭ قايتىس بولعانىن رەسمي راستاعان. باسقا ەلدەر وكىلدەرى دە ءوز كەزەگىندە قازاعا كوڭىل ايتقان.
