جامبىل اۋدانىنىڭ تۇرعىنى ءوزىنىڭ ءبىر جاسار بالاسىن بوتەن اۋلاعا تاستاپ كەتتى، دەپ حابارلايدى كتك جاڭالىقتارى.

تىلشىلەردىڭ ايتۋىنشا، ايەل ىستەگەن ىسىنە وكىنىپ، بالاسىن قايتارىپ الۋ ءۇشىن، اۋرۋحاناعا ءوزى كەلەدى. ءبىراق، كوپ ۇزاماي قولعا تۇسەدى.

34 جاسار ايەل ءوز ارەكەتىنە وكىنىپ وتىرىپ، كۇيىنىشپەن جاعدايىن ءتۇسىندىرىپ بەردى. ايتۋىنشا، ونىڭ كامەلەت جاسقا تولماعان تاعى ەكى بالاسى بار ەكەن. جاقىندا عانا اجىراسىپ، توركىنىنە قايتىپ بارعان. ال، كۇيەۋىنىڭ وتباسى انادان بالاسىن تارتىپ الماقشى بولادى. بالاسىن بەرگىسى كەلمەگەن انا ءسابيىن بوتەن اۋلاعا تاستاپ كەتىپ، وزگە ادامداردىڭ اسىراپ العانىن ءجون سانايدى. ەندى، ايەلگە قاتىستى ءىس قوزعالۋدا. الايدا، جاعدايىنىڭ تومەندىگىنە بايلانىستى جازانى جەڭىلدەتۋى مۇمكىن.

«مەنىڭ باسقا مۇمكىندىگىم بولعان جوق. ۋاقىتشا بولسا دا بالادان قۇتىلۋىم كەرەك بولدى. ءبىراق الداعى كۇنىمدى مۇلدەم ويلاماپپىن»، - دەپ اقتالدى ايەل.

ەسكە سالا كەتەيىك، 2017 جىلدىڭ 15 اقپانىندا مەركى اۋدانىنىڭ تۇرعىندارى اۋلادان ءبىر جاسار ءسابي تاۋىپ الادى. كوكەك انا قىزدىڭ زاتتارى مەن حات قالدىرىپ كەتكەن ەكەن: «ونىڭ ەسىمى زەرە. ول ءبىر جاس، 3 ايلىق. قىزىما ءبىر ايداي ۋاقىت قاراي تۇرساڭىزدار دەيمىن. ءبىر ايدان سوڭ كەلىپ، الىپ كەتەمىن».