ماراگۋندي اۋدانىنداعى دارۆاد اۋىلىنىڭ تۇرعىنى ءوزىنىڭ جەرلەۋ راسىمىندە ويانىپ كەتەدى. بۇل جايىندا lenta.ru جاڭالىقتارى حابارلايدى.
وسىدان ءبىر اي بۇرىن 17 جاسار كۋمار ماريەۆادانى قاڭعىباس يت تىستەپ الىپ، بىرنەشە كۇن قىزۋى كوتەرىلىپ، ەمدەلىپ جاتقان ەكەن. قىزۋى باسىلماي قويعان جىگىتتىڭ جاعدايى كۇننەن-كۇنگە ناشارلاپ، اۋرۋحاناعا جەتكىزىلەدى.
دارىگەرلەر كۋماردىڭ تۋىستارىنا ينفەكسيانىڭ دەنەسىنە تۇگەلدەي تارالعانىن جانە ءومىر سۇرۋگە مۇمكىندىگى قالماعانىن ايتادى. ونىڭ ۇستىنە تۋىستارى ەمنىڭ اقشاسىن تولەي الماعاندىقتان، بالانى ۇيگە الىپ كەتەدى.
ۋاقىت وتە كەلە، ۇيىندە ەمدەلىپ جاتقان جىگىتتەن ەشبىر قوزعالىس بايقاماعان تۋىستارى ونى ولدىگە ساناپ، جەرلەۋ ءراسىمىنىڭ دايىندىعىنا كىرىسىپ كەتەدى. جەرلەۋ ءراسىمى وتەتىن جەرگە 2 شاقىرىمداي قالعان ساتتە، كۋمار كوزىن اشىپ، قول-اياقتارىن قوزعالتا باستايدى.
اۋدارعان: گۇلىم جاقان
