ەلىمىزدە سوڭعى ءبىر تاۋلىكتىڭ ىشىندە قاردىڭ قۇرساۋىنان بەس جۇزدەي كولىك شىعارىلىپ، ءبىر مىڭنان استام ادام ءقاۋىپسىز جەرگە كوشىرىلدى. بۇل تۋرالى 24.kz جاڭالىقتارى حابارلايدى.
12 ازاماتقا شۇعىل مەديسينالىق كومەك كورسەتىلدى. اپاتتىق-قۇتقارۋ جۇمىستارى اقتوبە، اقمولا، قاراعاندى، قىزىلوردا، قوستاناي، اتىراۋ، پاۆلودار، جامبىل، سولتۇستىك جانە شىعىس قازاقستان وبلىستارىندا ءجۇردى. قۇتقارۋ شارالارى ءقازىر دە جالعاسىپ جاتىر. بۇل تۋرالى ىشكى ىستەر مينيسترلىگىنىڭ توتەنشە جاعدايلار كوميتەتى حابارلايدى. قىس قاھارىنا ءمىنىپ، سالدارىنان 9 باعىت بويىنشا استانادان قاتىنايتىن اۆتوبۋس رەيستەرى دە توقتاتىلدى.
