كەستە «رەسپۋبليكالىق راديو» ج ش س باس ديرەكتورى مەن ونىڭ ورىنباسارىنىڭ 2 اي بويى بارلىق حابارلاردى تىڭداپ، تەرەڭ تالقىلاۋدان وتكىزۋىنىڭ ناتيجەسىندە قابىلداندى. بۇل تۋرالى كورپاراسيا تاراتقان اقپاراتقا سىلتەمە جاساپ «قامشى» پورتالى حابارلايدى.

تالقىلاۋ قورىتىندىسى بويىنشا،  «الاش ارداقتىلارى»، «اجەمنىڭ اڭگىمەسى»، «ارىپتەستەر نە دەيدى؟»، «زەردە»، «ءداۋىر ءۇنى»، «ءداۋىر دۇلدۇلدەرى»، «الەم جاۋھارلارى»، «كوڭىل كوزى»، «كوزايىم»، «ۇلاعات»، «قالامگەر، «ءزاڭ-تاپسىر»، «حالىق پەن سالىق»، «اۋىلىم – التىن بەسىگىم»، «ەكسپو»، «ەكسپورت»، «ساياسي ساراپتاما» سىندى تانىمدىق جانە سالالىق ساراپتامالىق حابارلار مەن «شامشىراق»، «تانىم»، سونىمەن قاتار، جۇيەلەنىپ، ءبىر ىزگە تۇسىرىلگەن «ليريكالىق ساعات» سەكىلدى ۇلكەن جوبالار ازىرلەندى.

ەندى،  «اق تىلەك» قۇتتىقتاۋ باعدارلاماسى 14:00-15:00 ارالىعىنا كوشىپ، «شامشىراق» اقپاراتتى-سازدى كوڭىلاشار باعدارلاماسىنىڭ 19:00-20:00 ارالىعىنداعى ءبىر ساعاتى الماتى ستۋدياسىنداعى جاڭالىقتارمەن جالعاسادى.

سونىمەن قاتار، ەل رۋحانياتىنداعى اقپاراتتاردى (ءار جارتى ساعات سايىن ەفيرگە شىعاتىن جاڭالىقتاردان بولەك) «شامشىراقتىڭ» استانالىق شىعارىلىمىنان، ال، الماتى مەن جەتىسۋ جاڭالىقتارىن الماتىلىق شىعارىلىمىنان تىڭداي الاسىزدار.

راديو ەفيرىندەگى 22:00-23:00 ارالىعى «تانىم» ساعاتى بولماق. ياعني، بۇل ساعات بارىسىندا كوڭىل كوكجيەگىن كەڭەيتۋگە ارنالعان «اقسۇيەك»، «جاس تولقىن»، «ونەگەلى ءومىر»، «قىزدار نە دەيدى؟» باعدارلامالارى شىقپاق.

اپتانىڭ بەس كۇنىندە ەفيرگە شىعاتىن قازاق حالقىنىڭ ءداستۇرلى تانىمىنا نەگىزدەلگەن باعدارلامالارعا حابارلاسىپ، سىرلاسۋىڭىزعا دا مۇمكىندىك بار. راديو ەفيرىندەگى 23:00-24:00 ارالىعىندا قىزدار پوەزياسىنا ارنالعان «گۇلسەزىم»،ساڭلاق اقىنداردىڭ جىرلارىن ارقاۋ ەتەتىن «جۇرەك ءسوزى»، ورتا بۋىن شايىرلاردىڭ شىعارماشىلىعىنا ارنالعان «ءسارۋار»، جاستار پوەزياسىنا ارنالعان «جىرلايدى جۇرەك»، سونداي-اق، قازاق ءان ونەرىنىڭ جارىق جۇلدىزدارىنا اينالعان تۇلعالاردىڭ رەترو اندەرىنەن بەرىلەتىن «ساعىنىش سازى» اتتى كونسەرتتىك باعدارلامانى تىڭداي الاسىزدار.

ال، ءوز ماقساتىنا ساي جۇمىس جاساپ كەلە جاتقان باعدارلامالار جالعاسا بەرەتىن بولادى.