سۇلۋلىق – «ۇلكەن بيزنەس». سىزگە ۇناسا دا، ۇناماسا دا، سىرت كەلبەتىڭىز ارقىلى وزگەلەرگە اسەر ەتەسىز. دۇنيەگە كەلگەننەن باستاپ، جۇمىسقا تۇرۋ كەزىندەگى اڭگىمەلەسۋ كەزەڭىنە دەيىن cىرت كەلبەتىڭىز ماڭىزدى بولىپ تابىلادى.
اۆستراليالىق عالىمداردىڭ زەرتتەۋلەرىنە قاراعاندا، سۇلۋلىق – بۇل گەن تازالىعىنىڭ ەمەس، دومينانتتىلىقتىڭ بەلگىسى.
تاريحقا ۇڭىلسەك، سۇلۋلىق ۇعىمىنىڭ شىعۋ تەگى سوناۋ ەۆوليۋسيا تاريحىمەن بايلانىستى.
«ءبىزدىڭ سۇيكىمدى ادامداردى جاقىن تارتاتىنىمىز- ەۆوليۋسيالىق بەيىم. وسى بەيىمنىڭ ەسەبىنەن ادامدار بىر-بىرىنە دەنى ساۋ، مىقتى سەرىك ىزدەيدى. الايدا زەرتتەۋلەر كورسەتىپ وتىرعانداي ادامنىڭ رەكپرودۋكتيۆتى جەتىستىكتەرى دەنساۋلىعىنا بايلانىستى ەمەس - دەيدى باتىس اۆستراليا ۋنيۆەرسيتەتىندە سۇلۋلىق ۇعىمىن زەرتتەۋدە كوپ ەڭبەك سىڭىرگەن دجيلليان رودستىڭ (Gillian Rhodes) جولىن قۋعان ءبىر توپ عالىمدار.
چارلز دارۆين دە بۇل ماسەلەگە بايلانىستى ءوزىنىڭ وي-تولعامدارىن جاساعان. «ەۆوليۋسيا» تەورياسىنان سوڭ 12 جىلدان كەيىن «جىنىستىق ىرىكتەۋ» دەپ اتالاتىن تەورياسىن ۇسىنعان. ياعني، بۇل تەوريا بويىنشا ادامدار بىر-بىرىنە سەرىك ىزدەۋ، تاڭداۋ بارىسىندا ىرىكتەۋ جۇرگىزەدى. ول ىرىكتەۋدە ادامنىڭ اسىرەسە، ەر ادامدارعا قاتىستى دومينانتتىلىق قاسيەتىنە، ءمان بەرىلەدى. بۇل تەك، ادامدارعا عانا ەمەس بارلىق ءتىرى ورگانيزمدەرگە ءتان سيپات. قاراپايىم تىلمەن ايتقاندا، ايەل ادام ەر ادامنىڭ كۇشى، ەنەرگياسى، دوميناتتىلىعىنا تاۋەلدى بولعاندىقتان، وسىنداي سيپاتتاعى سەرىك ىزدەيدى. ءدال وسىنداي دومينانتتى تاپقان جاعدايدا، ەكەۋىنىڭ ۇرپاعى سۇلۋ ءارى دەنى ساۋ بولاتىنى دالەلدەنىپ وتىر.
الايدا زاماناۋي الەمد، سەرىك تاڭداۋدا ادامدار باسقا دا اسپەكتىلەرگە نازار اۋدارادى. ەۆوليۋسيا تاريحى گيپوتەزاسىنا، سۇلۋلىق، دەنساۋلىق گيپوتەزاسىنا سۇيەنسەك، قازىرگى ادامداردىڭ ءومىر ءسۇرۋ دەڭگەيى مەن جاعدايىنا قاراي شارتتار دا وزگەرگەن.
ماسەلەن بۇگىنگى كۇنى اتالعان ىرىكتەۋ شارتى شىعارماشىلىق جانە الەۋمەتتىك رەسۋرستارمەن الماستىرىلىپ وتىر. ءدال وسى رەسۋرستاردىڭ نەعۇرلىم ساپالى ءارى دۇرىس، ۇنامدى بولۋى پوتەنسيالدى سەرىكتى جانىمىزعا جاقىنداتا تۇسەدى.
وسى تۇستا، فيزيولوگيالىق بەلگىلەردىڭ ماڭىزى تومەندەپ قالعاندىعى بەلگىلى بولىپ وتىر.
نازەركە مۇسا
