كەڭسەدە جۇمىس ىستەيتىندەر ومىرىنە شاعىمدانۋعا بەيىم تۇرادى. Daily Mailء-دىڭ الەمدەگى ەڭ جاعىمسىز كاسىپتەر ءتىزىمىن كورگەننەن كەيىن كەڭسە قىزمەتكەرلەرى ومىردە قانشالىقتى جولى بولعانىن تۇسىنەر.

يىستەر بويىنشا ساراپشى

«مەنىڭ جۇمىس كۇنىم شاقىرىلعان ادامداردىڭ دەنەسىن يىسكەۋدەن باستالادى» دەپ باستادى ءسوزىن Unilever كورپوراسياسىنىڭ ءيىس جونىندەگى باس ساراپشىسى شەرون پيۋگ. ول ادامداردىڭ قولتىعىن يىسكەپ، ءوز سەزىمدەرىن قاعاز بەتىنە تۇسىرەدى.

بۇل جۇمىسىنىڭ تەك ءبىر بولىگى عانا. ودان كەيىن تاجىريبەگە قاتىسقان ادام ءيىسسىز سابىنمەن جۋىنىپ، سىنالىپ جاتقان كوسمەتيكالىق ءونىمدى قولدانادى.  قىزمەتكەر قايتا ادام قولتىعىن يىسكەپ، كوسمەتيكانىڭ اسەرىن انىقتايدى. تەست بىرنەشە ساعاتتان كەيىن قايتا جاسالىنادى.

پارلامەنتتىك لانگۋرلار

ءۇندىستان استاناسى دەليدە مىڭداعان ماكاكا جۇرەدى. ولار مەتروعا وتىرادى، پاتەرلەرگە كىرەدى، ادامداردىڭ تاماعىن ۇرلايدى. ماكاكالار ءتىپتى پرەمەر-مينيستردىڭ كابينەتىنە كىرىپ جۇمىسقا كەدەرگى كەلتىرەدى ەكەن.

اتالمىش ماسەلەنى شەشۋ ءۇشىن لانگۋر بولىپ كيىنىپ، ءدال مايمىلدار سەكىلدى دىبىس شىعارىپ، اتالمىش جانۋار سياقتى ءجۇرىپ-تۇراتىن 40 ادامدى جۇمىسقا العان. وسىدان كەيىن ماسەلە شەشىلىپ، ماكاكالار «لانگۋرلاردان» الشاق جۇرەتىن بولعان.

جاپوندىق ەلەكتريك

جاپونياعا بارعان تۋريستەردىڭ نازارى بىردەن شيەلەنىسكەن سىمدارعا تۇسەدى. بۇكىل الەمدە سىمداردى جەردىڭ استىنا قازادى. ال جاپونيادا ونى باعانالارعا ىلەدى. كىشىگىرىم اقاۋلار بولعاننىڭ وزىندە ەلەكتريكتەر شيەلەنىسكەن سىمداردى بىر-بىرىنەن اجىراتۋى قاجەت.

مىسىقتارعا ارنالعان جەمنىڭ دەگۋستاتورى

Marks and Spencer دۇكەندەر جەلىسىنىڭ قىزمەتكەرى سايمون ەلليسون ءۇي جانۋارلارىنا ارناپ جەم جاسايدى. ول العاش رەت 2006 جىلى مىسىقتارعا ارنالعان جەمنىڭ ءدامىن تاتىپ، ۇناتىپ قالىپتى. سودان بەرى ءۇي جانۋارلارىنا ارناپ جەم دايىندايتىن بولعان. ادەتتە ادامدار ۇناتا بەرمەيتىن دامدەر مەن يىستەر وعان ۇنايدى ەكەن.

كارىز جۇيەسىن تازالاۋشى

جىلىنا ەكى مارتە ماۋسىمدىق جاڭبىر جاۋاردىڭ الدىندا جانە كەيىن قالالاردىڭ بارلىق كارىز جۇيەسى تازارتىلادى. ونىمەن اينالىساتىنداردىڭ ارنايى كيىمى دە، جابدىقتارى دا جوق.  كۇندىك اقشاسى 300 رۋبيدەن اسپايتىن ولار كۇنى بويى بەلشەسىنەن لاس سۋدا تۇرىپ، قولىمەن بارلىعىن تازارتادى. ولاردىڭ جۇمىس كۇنى تاڭدا باستالىپ، تۇنگە دەيىن جالعاسادى.

جىل سايىن ءۇندىستاندا ادامدار تۇنشىعىپ نەمەسە ينفەكسيا تۇسكەننەن قايتىس بولادى ەكەن. بىرنەشە جىل بۇرىن ءۇندىستان بيلىگى كارىز جۇيەسىن  قولمەن تازالاۋعا تىيىم سالدى. الايدا زاڭنىڭ ورىندالۋىن ءالى كۇنگە دەيىن ەشكىم باقىلامايدى.

ادامدار امالدىڭ جوقتىعىنان وسىنداي جۇمىسقا باراتىنىن ايتادى.