كەشە، ۇكىمەت وتىرىسى بارىسىندا ق ر پرەمەر-مينيسترى باقىتجان ساعىنتايەۆ سۋ تاسقىنى ماۋسىمىنا ازىرلىك ءۇشىن قابىلدانىپ جاتقان شارالار تۋرالى باياندامالاردى تىڭداپ، ازاماتتار مەن ينفراقۇرىلىم نىساندارىنىڭ قاۋىپسىزدىگىن قامتاماسىز ەتۋ بويىنشا ءبىرقاتار تاپسىرمالار بەردى.
وتىرىس بارىسىندا مينيسترلەر مەن سولتۇستىك قازاقستان، شىعىس قازاقستان، الماتى، قاراعاندى، اقمولا جانە وڭتۇستىك قازاقستان وبلىستارىنىڭ اكىمدەرى ءسوز سويلەپ، الداعى سۋ تاسقىنى ماۋسىمىنا وراي قابىلدانىپ جاتقان ازىرلىك شارالارى تۋرالى اقپاراتتاندىردى.
باياندامالاردى تىڭداعان سوڭ ق ر پرەمەر-مينيسترى باقىتجان ساعىنتايەۆ سۋ تاسقىنى كەزەڭىن وتكىزۋ بىرنەشە ماسەلەلەرگە بايلانىستى ەكەنىن اتاپ ءوتتى، ناقتى ايتقاندا، ول قارجىلاندىرۋعا، سۋ قويمالارىنىڭ بوس كولەمىنە، اپاتتى گيدروتەحنيكالىق قۇرىلىستاردىڭ جوندەلۋىنە جانە يەسىز سۋ قويمالارىنىڭ كۇيىنە بايلانىستى.
سونىمەن قاتار ب. ساعىنتايەۆ بولاشاقتا قايعىلى جاعدايلار ورىن الماس ءۇشىن سۋ تاسقىنى كەزەڭىنە ازىرلىك تاسىلدەرىن قايتا قاراستىرۋ قاجەتتىگىن باسا ايتتى.
پرەمەر-مينيستردىڭ ءبىرىنشى ورىنباسارى اسقار مامين وڭىرلەردە تاسقىنعا قارسى شارالار جوسپارى ازىرلەنىپ، بارلىق قاجەتتى رەسۋرستاردى جۇمىلدىرۋ جۇمىستارى جۇرگىزىلۋدە ەكەنىن ايتتى. سونىمەن قاتار، ا. مامين گيدروتەحنيكالىق قۇرىلىستاردىڭ تەحنيكالىق جاعدايىنا نازار اۋدارۋ كەرەكتىگىن ايتتى.
ق ر پرەمەر-مينيسترى باقىتجان ساعىنتايەۆ ءوزىنىڭ ءبىرىنشى ورىنباسارى ا. مامينگە سۋ تاسقىنى كەزەڭىنە ازىرلىك بارىسىن باقىلاۋعا الۋدى تاپسىردى.
پىكىر قالدىرۋ