ايزا مۇحامەتكارىموۆا اتتى بويجەتكەندى ءوزىنىڭ تۋعان بولەسى زورلىقپەن توسەك قاتىناسىنا جىققان، دەپ حابارلايدى 365info.kz، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

وقيعا 2016 جىلدىڭ 14 ساۋىرىندە وسكەمەن قالاسىندا قىزدىڭ تۋىلعان كۇنىنەن كەيىن ورىن العان. تۋعان كۇن يەسى تۋىسقان اپكەسى جانە ارىپتەسىمەن بىرگە جەرگىلىكتى كافەلەردىڭ بىرىندە تۋىلعان تويلاپ، كوڭىل كوتەرىپ وتىرعان. كەيىننەن بولەسى راۋان ەرمۇحاندى دا قۋانىشىنا ورتاقتاسۋعا شاقىرادى.

– مەن جالعىز تۇراتىنمىن. ءبىز ۇيگە تۇنگى بىرلەر شاماسىندا ورالدىق. مەن ۇيىقتاۋعا جاتىپ قالعان بولاتىنمىن، ال ەرمۇحان توڭازىتقىشتان كونياكتى الىپ ءىشتى، ءوزىم رۇقسات ەتكەنمىن، - دەپ باياندادى ايزا. – شامامەن ءبىر ساعاتتان سوڭ ول مەنى وياتىپ، وزىنە ىشىمدىك الىپ كەلۋ ءۇشىن تاكسيگە اقشا سۇراي باستادى. وعان اقشانى بەردىم دە، قايتادان جاتىپ ۇيىقتاپ قالدىم. كەيىن ول مەنى تاعى دا وياتىپ، وزىمەن بىرگە ىشىمدىك ءىشۋدى ۇسىندى، مەن باس تارتتىم. الايدا ول بوي بەرمەگەن سوڭ، قاسىنا وتىرىپ ءبىر بوكال پيۆو ءىشتىم. ول كەزدە ەرمۇحان ءبىر شولمەك اراقتى تاۋىسىپ تاستادى دا، ماعان وعاش قىلىقتار كورسەتە باستادى. مەن وعان ەكەۋمىزدىڭ اعالى-قارىنداس ەكەنىمىزدى ەسكەرتتىم، الايدا ول ەشنارسەنى تۇسىنبەدى. كەيىننەن ورنىنان اتىپ تۇرىپ، ماعان تيىسە باستادى، قولىمدى قايىرىپ، زورلىقپەن توسەك قاتىناسىنا جىقتى. جارتى ساعاتتاي قارسىلاستىم، الايدا ول جىندانىپ كەتتى دە، سەكسۋالدى تۇردە مازاقتاي باستادى. سونىمەن قاتار ول باياعىدان وزىنە مەنىڭ دەنە ءبىتىمىم ۇنايتىنىن، مەنىمەن توسەك قاتىناسىنا ءتۇسۋدى ءبىرازدان بەرى ارمانداپ جۇرگەنىن ايتتى. جىلادىم، ايقايلادىم، جالبارىندىم، الايدا ول م ماعان مۇلدەم قۇلاق اسپادى. ماعان قاتتى اۋىر بولدى، ابدەن ءالىم قۇرىپ كەتتى. ول ايقايعا سالىپ، ونىڭ قالاۋىن ورىنداماسام، وز-وزىنە قول جۇمسايتىنىن ايتتى. ەكەۋمىزدى دە ءولتىرىپ قويادى ما دەپ قاتتى قورىقتىم. ويىنداعى ارام پيعىلىن ىسكە اسىرىپ بولا سالىسىمەن ەرمۇحان ۇيىقتاپ قالدى. توزاققا اينالعان بۇل وقيعا تاڭعى 7-لەر شاماسىندا اياقتالدى. مەن دەرەۋ كيىنىپ، دالاعا شىعىپ كەتتىم. كوشەدە ءبىر ايەل ءوتىپ بارا جاتىپ، ماعان ءوز كومەگىن ۇسىندى دا، پوليسيا شاقىردى. ونى تۇتقىنداعاندا ءالى ۇيىقتاپ جاتقان بولاتىن.

سوت ماتەريالدارىندا كورسەتىلگەندەي، ەرمۇحان باسىندا ءوز كىناسىن تولىقتاي مويىنداعان.

– 17 ساۋىردە-اق ول ماعان ۆكونتاكتە جەلىسىندە ءوزىن كەپىلمەن بوساتقانىن جازىپ جىبەردى. بۇل وقيعا وتە ۇيات جانە ونى تۇرمەگە جاباتىن بولسا، اسىلىپ قالاتىندىعىن ايتتى دا، ءىز-تۇسسىز جوعالىپ كەتتى.

2016 جىلدىڭ مامىر ايىندا ەرمۇحانعا ىزدەۋ سالىپ، قىركۇيەك ايىندا عانا قاراعاندى قالاسىندا قولعا تۇسىرگەن.

سوتتا ونىڭ جۇزىنەن ەش وكىنىش بايقامادىم. ونىسىمەن قويماي، مەنى ءبىرىنشى جابىسا باستادى دەپ مالىمدەدى. ەرمۇحاننىڭ بۇل سوزىنە ونىڭ اناسى دا، قورعاۋشىسى دا قوسىلعان.

ەرمۇحانعا قارسى قىلمىستىق كودەكستىڭ ەكى بابى بويىنشا ءىس قوزعالعان – 120 جانە 121. الايدا ونى تەك زورلادى دەپ قانا ايىپتادى دا، باسقا سەكسۋالدى قىلىقتارىن دالەلدەر جوق دەپ تەرىسكە شىعاردى. زورلىق كورسەتكەن قىلمىسكەرگە 2017 جىلدىڭ 9 قاڭتارىندا شىعارىلعان ۇكىمدى وسكەمەن قالالىق سوتىندا وقىپ بەردى. ونى 3 جالعا باس بوستاندىعىنان ايىرىپ، تۇزەتۋ كولونناسىنا جىبەرىلۋى كەرەك بولعان.

– پروكۋراتۋرا سوتتىڭ شەشىمىنە قارسى اپپەلياسيالىق سوتقا شاعىمدانعانىن بىلەمىن. الايدا، ول سوتقا قاتىسقىم كەلمەيدى. بۇل سۇمدىقتان ابدەن شارشادىم، - دەپ اعىنان جارىلدى ايزا. – بىرنەشە كۇن بۇرىن تانىس زاڭگەرلەردەن مىناداي جاڭالىق ەستىدىم: ول راقىمشىلىققا ءىلىنىپ، جۋىق ارادا بوستاندىققا شىعايىن دەپ جاتىر ەكەن. سونىمەن قاتار، ول تەك ەكى جاعدايدا راقىمشىلىققا ىلىگە الماس ەدى: مەن كامەلەت جاسقا تولماعان بولسام نەمەسە مەنى ولتىرگەن بولسا دەيدى.

ايزانىڭ ايتۋىنشا، اتالمىش وقيعادان سوڭ قىزعا اناسى حابارلاسقان، ول زورلىق كورسەتكەن قىلمىسكەردىڭ اناسىنان، ياعني اپكەسىنەن ءمان-جايدى ەستىگەن ەكەن. اناسى قىزىنىڭ جاعدايىن سۇراۋدىڭ ورنىنا، وعان كەشىرىممەن قاراپ، ارىز جازباۋىن سۇراعان. سونىمەن قاتار، وسى ۋاقىتقا دەيىن ەكى رەت ءىستى بولعان اعاسىنا اياۋشىلىق تانىتۋىن وتىنگەن.

بۇل وقيعادان كەيىن دە ايزا مەن ەرمۇحاننىڭ انالارى، اپالى-سىڭلىلەر، باياعى قالپىنشا ارا-قاتىناسىن ۇزبەي ارالاسىپ ءجۇر. ال ەرمۇحاننىڭ سوت ىسىندە ىقپالدى اعاسى بار، اكەسى القاش ەكەن.

اۋدارعان: نازەركە لابيحان