ءازىربايجان پرەزيدەنتى ءوزىنىڭ جارى مەحريبان الييەۆتى ۆيسە-پرەزيدەنت ەتىپ تاعايىنداعانى جايلى كەشە سايت بەتىندە جارىق كورگەن بولاتىن. يلحام الييەۆتىڭ بۇل شەشىمىن قۇپ كورگەن قازاقستان مۇسىلماندار وداعى مەن ورتا ازياداعى ادام قۇقىعىنا قاتىستى مۇسىلماندار كوميتەتى ءازىربايجاندىق مۇسىلمانداردىڭ قولداۋىمەن مەملەكەتتەگى قورعانىس ءمينيسترى ەتىپ ەنەسىن تاعايىنداۋدى ۇسىنىپ وتىر. تاريحي مالىمەتتەردە كورسەتىلگەندەي، تەك ەنە عانا مەملەكەتتىڭ قورعانىسىمەن قاتار ەلباسىنىڭ قاۋىپسىزدىگىن قامتاماسىز ەتە الادى ەكەن، دەپ جازادى rezonans.kz، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

قمو مەن ورتا ازياداعى اقمك باسشىلىعىنىڭ ايتۋىنشا، بيلىككە جاقىن تۋىستاردى تاعايىنداۋ ارقىلى شەنەۋنىكتەردىڭ اراسىنداعى الاۋىزدىقتىڭ الدىن الىپ، ەلدى دۇرىس جاعىنان باسقارۋعا بولادى.

«ءسىز ەلدىڭ تاعدىرىنا ۇلكەن پايداسىن تيگىزەرلىكتەي مىقتى شەشىم قابىلدادىڭىز. جاعىمسىز پىكىر بىلدىرۋشىلەرگە نازار اۋدارماي، وسى قالپىڭىزدا جالعاستىرا بەرىڭىز»، - دەپ جازىلعان مۇسىلماندار كوشباسشىلارىنىڭ ءبىرىنىڭ حاتىندا.

ءازىربايجان پرەزيدەنتىنە كومەكتەسۋ نيەتىندە قازاقستاندىق مۇسىلمان قاۋىمداستىعى وعان ءۇش ارۋدى ايەلدىككە بەرۋگە دايىن ەكەندىگىن ءبىلدىردى. سونىمەن قاتار ولارعا بيلىكتەگى وتە جاۋاپتى قىزمەتتەردى سەنىپ تاپسىرا الاتىندىعىن ايتتى.

«ءسىز ناعىز مۇسىلمان رەتىندە ءتورت ايەل الۋعا تولىقتاي قۇقىلىسىز»، - دەپ جازىلعان اتالمىش حاتتا.

اۋدارعان: نازەركە لابيحان